Kular u Dr Syngkon ban pyndep ia ka jingangnud ki paidbah ka rilum Khasi Jaintia
U MP bathymmai ka Shillong u Dr Ricky AJ Syngkon hynne ka sngi ba Ar u la kular ban pyndep bad pynurlong ia ka jingangnud jong ki paidbah ka Ri Lum Jaintia
Haba kren sha ki lad pathai khubor, u Syngkon uba dei ruh u General Secretary ka liang pyrshah Voice of the People Party (VPP) u la ong ba ki paidbah ki la ngiah ia ka rukom long ki kam sain pyrthei kiba la jia hapoh kane ka jylla Meghalaya.
![](https://www.syllad.com/wp-content/uploads/2024/09/JIT-Vacancy-823x1024.avif)
“Ki paidbah ki la kwah ia ka jingkylla bad ka result ba la pynbna hynne ka sngi ka dei ka jingangnud ba la slem bha jong u paidbah. Kumta ngi khmih shakhmat ban pynurlong ia kine ki jingangnud bad ki jingphohsniew jong ki paidbah ka Jylla,” u la ong.
Nalor kata u Dr Syngkon u pyntip ruh ba u la kut jingmut skhem halor ka thong jong ka seng VPP ban pynkhie im bad ban pynneh pynsah bad ban pynwandur thymmai biang ia ka Meghalaya.
Nalor kata u la ong ruh, “Ngi don 24 tylli ki mat ialap ilekshon bad kawei pa kawei na kine ki mat ki dei kiba kongsan hakhmat ka party jong ngi.Kum ka party hi ngin ia shong lang bad ngin iamir jingmut lang ha kaba iadei bad ki thong kiba hakhmat eh.Kumta kiei kita ki mat kiba ngin sa shim ngin sa pyntip sha phi hadien kane ka jingialang bad shim ia ka rai.”
Shuh shuh u la ong ruh ba ka party shen kan sa shim ia ka rai halor ka jingiatreilang bad ki seng sain pyrthei hapoh New Delhi.
Leave a Reply