Kular u ma Sniawbhalang Dhar ban shimkhia ban iakren iaka jingeh ka shnong Lapangap

Syllad | The Rising MeghalayaAugust 30, 2023

Ka dorbar shnong Lapangap haka sngi Balang ka la leit ban iakynduh ia u symbud myntri rangbah ka jylla u Sniawbhalang Dhar halor ki jingeh ba ki iakynduh na ka jingshah pyndik na ka por sha ka por haki pulit Assam bad paid Karbi.

U Waheh Shnong Lapangap u Deimonmi Lyngdoh haka jingiakynduh ula iathuh ba kila ïohlad ban pynsngew ha u myntri uba long ruh u MLA ka thain iaka jingdonkam ban buh ktem pulit haka shnong Lapangap haka jaka kaba la tip kum ka Lum Moopyrdet Pynthor Lapangap ban shngain ki nongshong shnong.

Nalorkata, ka Dorbar shnong Lapangap ka la pynsngew iaka jingshah jynrat ki tynrai dieng ia kiba ka Shnong ka la thung ha u Lum Moopyrdet Pynthor Lapangap.

Ka dorbar shnong ka kyrpad ruh ia u symbud myntri rangbah ban kynriah noh shisyndon ia ka Assam Police/Battalion Camp kala buh da ka Assam.

Ula iathuh ba na liang u symbud myntri rangbah ula kular ban iakren ia kane ka mat lashai ka sngi bad u myntri rangbah ka jylla halor ka jingwan thombor ki paid Karbi iaka jaka rep riang jong ki.