Kular u MP Rajya Sabha ban synniang T 10 lak iaka community hall ka Khimusniang

Syllad | The Rising MeghalayaDecember 28, 2024

U MP Rajya Sabha Dr Wanweiroy Kharlukhi ula kular ban synniang T.10 lak na ka MP skhim jong u sha ka dorbar shnong Khimusniang kum ka dak ka jingai sngewbha dap 75 snem ka shnong Khimusniang.

Haba kren shuh shuh kum u kongsan haba pynkut iaka platinum jubilee ka dorbar shnong Khimusniang haka 28 tarik Nohprah, ula ong ba haba pynkut iaka pali jong u kum u MP ha u 2025-26 ula pyrshang ban theh iaka skim MP sha Rilum Jaintia khamtam ka shnong Jowai kaba ula heh la san.

“Kum ka dak ka jingkyrshan jong phi ia nga, ngan ai T.10 lak na ka bynta ka community hall jong phi,” la ong u Dr. Wanweiroi.

Ula kren ruh halor u Moosniang (ka jingkdew iaka jaka), ula ong ba um dei tang ka history jong ka ka shnong Khimusniang, hynrei jong ka jaidbynriew bad ka culture. “Naduh mynshuwa ki briew jong ngi ki dei kiba tbit ban oh dur ha ki maw ki ieng bad kane ka kdew iaka culture ka jong ngi,” la bynrap u Dr Kharlukhi.

U MLA Jowai haba kren kum u symbud kongsan ula kular ban shna iaka surok sha Urkhla bad surok synod kum ka dak jingai sngewbha jubilee.

Ha kane ka sngi la sam iaki tiar sah kynmaw sha ki nongseng ka shnong bad la pyllait paidbah iaka souvenir. La nang pynphuh pynphieng iaka jingrakhe jubilee da ka jingshad jngrwai kaba la shimbynta ki khun ka shnong nalor ka prokram kaba la pynkhreh da ka seng samla.