Kular wanrah ka UDP ïaka aiñ kyntiap seng

Syllad | The Rising MeghalayaJanuary 29, 2019

SHILLONG:  Ka Party UDP kala kular ban wanrah ïaka aiñ kyntiap seng lada ka poi ha ka bor ha KHADC bad JHADC; kaba ka elekshon ha kine ki ar konsil kan long haka 27 Rymphang.

Ka jingbymdon kane ka aiñ kala pynsiew dur ïaka synshar khaddar ha ki konsil bad la thaw haduh san hynriew tylli ki Executive Committee haka shi samoi”, la ong u Bah Bindo Lanong haba kren bad ki nongthoh khubor haka sngi Nyngkong bad bynrap ba ka UDP kan pyrshang tyngeh ban pyntreikam ïaka aiñ kyntiap seng hapoh ka konsil kumba la leh ha Parliament bad State Assembly.

Ka UDP ka pyrshah jur ïaka jingpynjlan por ïaka election ha District Council naka bynta ban pyntreikam ïaka jingpynkylla ïaka khyrnit bynriew. “Ka rai jong ka sorkar ban pynjlan ïaka elekshon haka GHADC haduh shi snem kalong kaba beaiñ namar baka aiñ kam shah ban pynjlan ïaka por elekshon hadien bala kut ka samoi”,  la ong Bah Bindo