Kulmar thlim ka Sohra hadien ba rem ka NPP na Shella

Syllad | The Rising MeghalayaMarch 2, 2023

Ka Sohra Sub Division kala klumar thlim hadien ka jingniew vote bad shah rem jong ka kyrtong ka NPP na Shella ka Kong Grace Mary Kharpuri ha u kyrtong UDP Balajied Kupar Synrem haduh bala poi shaduh u pud ban lun maw iaka ophis SDO Civil Sub Division bad ka iingbishar ba thymmai bad ka jingthang ia ki lum ki wah haka sngi Palei.

Ka khubor ka iathuh ba ki nongkyrshan na NPP kila khie bitar bad shim iaka ain hala ka kti ban pynpaw ba kim pdiang satia ia katei ka rai jong ki paidbah ka Shella.

Ki nongkyrshan jong ka NPP ki la ia tur sha ka ophis SDO (Civil) ban pynpaw ia ka jingpyrshah bad dawa ban niew biang iaka vote bad na kaliang u SDO Civil jong ka Sohra ka Hema Nayak. Ka Nayak kala pynsngewthuh iaki paid nongkyrshan NPP hynrei kim pdiang satia bad iai bteng ban ia hylla bad kynhoi risa.

Ka kong Grace ruh kala kyrpad iaki nongkyrshan ban long jai jai bad ban leit phai shala iing bad ban nym pynkulmar lyngba ki kor pynsawa hynrei ko nongkyrshan kim sngap satia.

Ki nongkyrshan ki la sdang kawang maw ia ki pulit bad CRPF katba baroh ki ophisar bad nongtrei sorkar ki sahkut hapoh ophis SDO.

Ki pulit bad ki CRPF ki la kynshait um da ka um iaki nongkyrshan na ka fire brigade ban pynpra, hynrei kala don ka jingpyni bor bad u paidbah ula thang ia u phlang bad ha jingtyrkhong ka la pluh badon hajan ophis SDO.

Ki nongkyrshan ki la ia kawang maw ia ka building jong ka iing bishar Sub Division ba dang shu dep shna thymmai.

Ki pulit bad CRPF ki la kawang da ki lyer pynsat bad bom da u lathi ia ki nongkyrshan ban pynpra ia kitei nongkyrshan.