Kurup ka tnat Custom ia ki dawai kuli drok ba shongdor T.2.23 klur, shah kem arngut
Ka Tnat Custom ka la ioh ban kurup ia ki dawai drok Methamphetamine (WY) tablets kiba shongdor haduh T.2.23 klur bad kem noh ia arngut ki briew kiba donkti.
Hadien ba la ioh ia ka jingtip kaba thikna, ki ophisar na ka Hqrs Preventive, Customs, NER, Shillong ha ka 29 tarik u Iaiong ba la dep ki la her mardor sha ka lynti surok Silchar- Jiribam bad pynlong ia ka jingpynap shrip kumba katto katne kynta ia ki briew kiba la suba kit drok.
![](https://www.syllad.com/wp-content/uploads/2024/09/JIT-Vacancy-823x1024.avif)
Na ka liang ki heh ophisar ki la ioh ban bat noh ia arngut ki briew na ki bynta ka Kashipur ha ka lynti surok Silchar – Jiribam bad ioh ban kurup noh haduh 2.270 kilo u dawai kuli drok Methamphetamine (WY) tablets uba shongdor haduh T.2.23 klur.
La kem noh ia kine ki briew bad pynngat ha ki kyndon ain bapher bapher ka NDPS Act, 1985 bad hadien la phah noh ia ki shapoh judicial custory. Mynta ka jingtohkit halor kane ka la iaid shakhmat.
Ka Tnat Custom ka la pynpaw ba ka dang iai bteng ia ka jingkut jingmut ban iakhun pyrshah ia baroh ki kam khaii beain lyngba ki jaka khappud, kata kaba kynthup naduh ki kam khaii ksiar beain, sikret, drok, ki mrad khalw, pisa thok nalor kiwei kiwei pat ki kam beain ha ryngkat ka jingiatreilang bad ki tnat pahara sorkar.
Leave a Reply