Kurup ki BSF 37 tylli ki masi bad 9 hajar kilo ka shini na ki bynta khappud

Syllad | The Rising MeghalayaOctober 9, 2024

Ki shipai Border Security Force (BSF) ka Meghalaya ha ka 8 tarik u Risaw ki la ioh ban kurup noh haduh 35 tylli ki masi na ki bynta khappud ka East Khasi Hills ia kiba la thmu ban shalan tuh shapoh Bangladesh.

Ha kawei pat ka jingkhynra ha ryngkat ki bor pulit, ki BSF ki la ioh ban kurup noh shibun bah ka shini ba thmu shalan tuh sha Bangladesh na ki bynta khappud ka South Garo Hills.

Hadien ba la ioh ia ka jingtip kaba bniah, ki BSF na ka 4th Battalion ki la ioh ban kurup noh ia ki 35 tylli ki masi ia kiba la teh hapoh kawei ka jaka khlaw hajan ki bynta khappud jong ka ri ia kiba la pynkhreh ban shalan shapoh Bangladesh.

Hadien la aiti noh ia kine ki masi sha ki bor pulit ka police station ban leh shuh shuh ia kaba donkam.

Kumjuh ki shipai BSF ka 1st Battalion ha ryngkat ki pulit ka Jylla ki la ioh ban kurup haduh palat 9000 kilo ka shini ia kiba la buh hapoh kawei ka iing ka bym sah briew ha ka jaka ba long khlaw hajan khappud jong ka Ri.

Ia kane ka mar ba la ioh kurup la aiti noh shapoh Rongra police station ban leh ia kaba donkam.