Kurup ki BSF ia ki tiar sumar ba shongdor palat 1 klur na ki bynta khappud ka East Jaintia Hills

Syllad | The Rising MeghalayaOctober 15, 2024

Ki shipai Border Security Force (BSF) ka Meghalaya na ka 172 Battalion ki la ioh ban kurup noh ia shibun bah ki tiar sumar kiba tip kum ki (IV Cannula sets) kiba shongdor haduh palat T. 1 klur na ki bynta khappud ka East Jaintia Hills district bad ka Bangladesh.

Ka Tnad shipai ka pyntip ba ha ka 13 tarik u Risaw ki BSF na ka 172 Bn ki la pynlong ia ka jingkhynra kaba kyrpang hajan ki bynta khappud ha Dona ha East Jaintia Hills bad ioh ban kurup noh ia kine ki tiar injek kiba shongdor haduh palat T.1 klur ia kiba la thmu ban shalan beain shapoh Bangladesh.

Hadien ia kine ki tiar ba la ioh kurup la aiti noh sha ka ophis Custom ha Badarpur na ka bynta ban leh shuh shuh ia kaba donkam.