Kurup ki BSF iaki dawai jyrhoh ba thmu khaii tuh shapoh Bangladesh

Syllad | The Rising MeghalayaOctober 17, 2024

Ki shipai Border Security Force (BSF) ka Meghalaya kiba don ha khappud jong ka ri ha East Jaintia Hills ki la lah ban pynpulom noh ia ka kam khaii tuh da kaba ioh ban kurup haduh 980 bilor ka dawai jyrhoh Phensedyl ia kiba la thmu ban khaii beain shapoh Bangladesh.

Ki shipai BSF na ka 172 Battalion ki ba don hapdeng ka jingpeitngor ki la sakhi ia ka leit ka wan kaba i suba hapdeng hapdeng ki katto katne ki suba nongkhaii tuh ha ryngkat bad ki mar ki mata.

Hadien ba ki BSF ki la pyrshang ban leit tur ban ioh bat ia kine ki suba, kine ki briew ki la phet krad da kaba shim kabu ia ka jingrben jong ki jaka khlaw bad jaka ba long riat.

Hadien ka jingkhynra kaba bniah ha kane ka jaka, ki BSF ki la ioh ban kurup noh haduh 980 bilor ka dawa jyrhoh phensedyl ia kiba la thmu ban khaii beain shapoh Bangladesh.

Ia kine ki dawai bala ioh kurup la aiti noh sha ka Tnad Custom ha Badarpur na ka bynta ban leh shuh shuh ia kaba donkam.