Kurup ki BSF iaki reng muid bad kyiad ba thmu khaii tuh sha Bangladesh

Syllad | The Rising MeghalayaSeptember 21, 2024

Ki shipai Border Security Force (BSF) na ka 193 Bn ha ka 19 tarik Nailur ki la ioh ban kem noh ia uwei u nong India ha ryngkat ka kali kaba kit ia shibun bah ki reng muid ia kiba la thep ha byrni.

Haba bteng ia ka jingkhynra, ki BSF na kane kajuh ka battalion haka 20 tarik Nailur ki la ioh ban kurup ia shibun bah ka kyiad kaba kot sha ka T.13 lak ia kiba la thmu ban khaii tuh shapoh Bangladesh.

Na ka liang ki BSF ki dang iai bteng ban pyrkhing ia ka jingpahara ha ki bynta khappud ka India bad Bangladesh da ka jingthmu ban lah ban khanglad ia ki kam khaii tuh bad kiwei pat ki kam bymman.