Kurup ki pulit ia u drok ba kham niar ban poi ha kane ka thain ba shongdor T.15 klur ha East Jaintia Hills

Syllad | The Rising MeghalayaSeptember 4, 2023

Ki pulit jong ka East Jaintia Hills District haka Sngi U Blei ki la kem ia uwei u nongkhaii drok bad ioh kurup bun bah u drok uba khamniar ban ioh kem da ki pulit uba khia haduh 10.16 Kg bad uba shongdor haka iew ka pyrthei haduh T.15 klur.

Une uba shah kem u dei u Lalmungsanga Beingaichho uba na Siaha District, Mizoram.

Ki pulit ANTF hadien ka jingioh tip thikna ba don u briew ba shalan drok ba wan na Aizwal lyngba ka Silchar kila pynap shrip iaka kali bad kila ioh bat ia kawei ka Tata Sumo kaba don ia u register number AS 01 KC 9188 ha Kongong, East Jaintia Hills District.

Haba khynra ia kane ka kali la lap ia kawei ka suitcase bad lap haduh 10 song u suba jingdih pynbuaid bad haba test la pynthikna la lap ba u dei u drok Crystal Meth (mescaline).

Ki Pulit kila register iaka case hapoh ka kyndon aiñ NDPS Act ha Khliehriat Police Station bad ka jingtohkit ban lap ksai ia kiwei pat kiba donkit kala iaid shakhmat.