Kurup kyiad thok haduh 7000 litre na East Jaintia Hills

Syllad | The Rising MeghalayaAugust 12, 2020

Ka tnad Excise bad ka kynhun special team na Shillong bad ki Pulit Khliehriat, East Jaintia Hills District kila ioh kurup palat 7000 litre ka kyiad phareng thok na ka iew Nongjri, East Jaintia Hills District mynta ka sngi.

Halor kane ka jingiohkurup kyiad thok kaba la suba khleh bad ka spirit la ioh kem ia uwei u briew uba dei uba bar jylla bad une u bar jylla ula ioh ruh ban pyniaid ia kine ki kyiad sha kiba bun ki dukan kyiad ha East Jaintia Hills.

Ha kane ka jingkhynra kyiad ki Pulit bad ka Excise nyngkong kila ioh kurup shuwa palat 3000 litre, hynrei haba tohkit bad pynlong shuh shuh ka jingkhynra na ki iing ki sem kba don marjan bad ka jaka kaba kila ioh kurup nyngkong kila ioh kurup sa palat 4000 litre.

Halor kane ka jingioh kurup kyiad ki Pulit ka East Jaintia Hills bad ka tnad Excise ki pynlong iaka jingtohkit.

U Deepak Kumar Palecha IPS, Superintendent of Police East Jaintia Hills ula ong “Kine ki kyiad thok dei kiba khleh bad spirit bad ban lap iaka jingshisha iaka jaka ba shna bad ki dawai ba khleh ia kine ki kyiad yn hap ban tohkit bniah.”