Kurup Phensedyl bad Shini ki BSF na ki bynta khappud

Syllad | The Rising MeghalayaMarch 21, 2024

Ki shipai Border Security Force (BSF) Meghalaya ha ki jingkhynra kiba ka la pynlong ha ka 19 tarik Lber, ki la lah ban pynpulom noh ia ki kam khaii beaiñ da kaba ioh ban kurup ia shibun bah ka dawai jyrhoh Phynsedyl bad ka Shini na ki bynta khappud jong ka ri.

Ki shipai BSF na ka 4 Bn hadien ba la ioh ia ka jingtip kaba bniah ki la ioh ban kurup haduh 350 tylli ki bilor jawai jyrhoh ba la khein beaiñ (Phensedyl) ia kiba la thmu ban shalan beain shapoh Bangladesh lyngba ki jaka khappud na ka thain West Jaintia Hills.                            

Kumjuh ha kawei pat ka jingkhynra ki shipai BSF ki la ioh ban kurup noh haduh 17,000 kilo ka shini na ki thain khappud bapher bapher ka Jylla.

Ia kine ki dawai ba la ioh kurup kumjuh ia ka shini la aiti noh sha ka tnat Custom jong ka thain na ka bynta ban leh shuh shuh ia kaba donkam.