Kut ka Annual Sport Meet Pasadwar Cluster

Syllad | The Rising MeghalayaMarch 10, 2019

JOWAI: Ka Sports Meet ba 10 kaba la pynlong manla u snem da ka Pasadwar Cluster kala poi sha kaba kut haka 7 tarik une u bnai ha ka shnong Kharkhana, Amlarem Sub Division, West Jaiñtia Hills District.

La wan ban ïashimbynta da ki 9 tylli ki skul kiba hap hapoh ka Pasadwar Cluster kynthup 6 tylli ki kyrdan Lower Primary School bad 3 tylli ki kyrdan Upper Primary School.

U Waheh Shnong ka Kharkhana u Bah Thomas Nialang ula plie ïa kane ka sports meet haka 6 tarik une u bnai ha ka jingiadonlang ki riew rangbah ka thain nalor ki nonghikai na ki skul bapher bapher.

Ha kine ki ar sngi ki khynnah kila ïoh ka lad ban ïakhun ha ki jingialehkai bapher bapher. Ka nam Best March Past ha ka kyrdan UPS la iohrah da ka Pasadena, katba haka kyrdan LPS la iohrah da ka Pasadwar Govt. LPS.

Ha ka lympung ialehkai phutbol ha ka kyrdan Upper Primary School la iohrah da ka Lumpyngngad bad na ki kynthei la iohrah da ka Kharkhana UPS. Haka kyrdan Lower Primary iaka nam jop da ka Kharkhana Govt LPS kynthei bad shynrang. Ïaka Best Discipline la rah da ka Kamsing LPS.

U Secretary Cluster u Deimonmi Bareh, ula ïathuh ba ha kane ka sngi la pyllait ruh ïaka sah kynmaw ka cluster.