Kut ka Open to All Badminton Championship ka Loompyrdi Iongpiah, ar tylli ki nam lahduh khur u Ram Najiar

Syllad | The Rising MeghalayaJune 10, 2024

Ka 21st Open to All Badminton Championship kaba la pyniaid da ka Loompyrdi Iongpiah Sports & Games Committee kaba la sdang naduh ka 3 tarik Jylliew bad la pynkut noh iaka haka 8 tarik Jylliew ha Seinraij Indoor Sports Complex, Tpeppale.

Ha kane ka sngi la sakhilang da u Bah Deibormi Toi, Executive Engineer PHE Greater Shillong Water Supply Division II Mawphlang haka jingdonlang u waheh shnong Loompyrdi Iongpiah Bah RL Bimee Suwer, ki dkhot ka West Jaintia District Badminton Association (WJDBA) bad kiwei kiwei ki riew Rangbah.

Haka jingialang shwa ban sam khusnam sha ki nongjop, la ioh ka jingkren ai mynsiem na u Bah C Tympang Laloo, Chairman Sports & Games Committee bad ki kyntien khublei na u Bah Kamki Kyndiah, Secretary Sports & Games Committee.

Ki nongiashim bynta ba kynsai jong kane ka lympung katkum ki kyrdan iakop bapher, ha ka Men’s Singles Open to All u Ram Najiar ula rah iaka nam jop da kaba pynliem ia u Hrisami Passah da 21-15, 21-15. Haka Men’s Double u Rimilan Passah bad u Nongpluh kila rah iaka nam lahduh da kaba pynliem ia u Dauru Laloo bad Buromlangki Lakiang da 21-12, 21-19.

Ha ka Men’s Singles 35+ u Ram Najiar ula rah iaka nam lahduh da kaba pynliem ia u Dauru Laloo da 21-14. 21-11 katba ha ka Men’s Double 35+ u Ram Najiar bad Yutang Kma kila rah iaka nam lahduh da kaba pynliem ia u Dr. Peterson Lamare bad u Daymen Shullai da 24-22. 22-20.

Ha ka Women’s Doubles ka Balashembha Passah bad ka Josefina Dala Passah kila rah iaka nam lahduh da kaba pynrem iaka Bhalang Passah bad Dabiangsakani Lyngdoh da 21-16, 21-19 katba ha Women’s Single ka Prety Mary Sumer kala rah iaka nam lahduh da kaba pynliem iaka Josefina Dala Passah da 21-8, 21-14.

Haba phai sha ka 50+ Men’s Singles u Teddy Laloo ula pynliem ia u John F.Synrem da 21-15, 18-21, 21-13 katba ha ka 50+ Men’s Doubles u Carmello Laloo bad u Wanbhalang Lamare kila rah iaka nam lahduh da kaba pynliem ia u Teddy Laloo bad Salan Paswet da 22-2-, 16-21 bad 16-21.

Ha ka Open to all Mixed Doubles u Deilangwa O Nongpluh bad ka Ribhalang Passah kila pynliem ia u Mebanker Shullai bad ka Balashembha Passah da 21-18 bad 21-15.