Kut noh ka 14th District Open Badminton Championship ka WJDBA

Syllad | The Rising MeghalayaSeptember 10, 2023

Ka West Jaintia District Badminton Association (WJDBA) ka la pynkut noh iaka lympung ialehkai 14th District Open Badminton Championship 2023 kaba la long ha Seinraij Indoor Sports Hall, Tpep Pale Jowai haka janmiet sngi Saitjain.

U kongsan Ma OH Toi President Seinraij Jowai ula wan ban pynhap pyrda ia kane ka jingiakop haka jingdonlang ki dkhot nongkitkam ka WJDBA kynthup ia u President u JM Pohsngap, General Secretary M Nongpluh bad kiwei kiwei.

Ki kyrdan ïakhun ki kynthup naduh ka Women’s Singles, Women’s Doubles, Men’s Singles Open bad Men’s Doubles Open, Mixed Doubles, Men’s Singles 35+, Men’s Doubles 35+, 50+Men Single bad 50+Men Doubles.

Haka Women’s Doubles iaka nam lahduh la iohrah da ka Josefina Dala Passah bad Balashembha Passah hadien ba kila pynliem iaka Ibalari Siangshai bad Pretty Mary Sumer 21-9, 21-19

Haka Women’s Singles iaka nam lahduh la iohrah da ka Ribhalang Passah hadien ba kala pynliem iaka Balashembha Passah (21-9, 21-18).

Haka Mixed doubles, iaka nam lahduh la iohrah da ka Josefina Dala Passah bad Mebanker Shulai, ba ar u Deilang wa-O Nongpluh bad Ribhalang Passah 21-12, 21-19.

Haka Men’s Singles Open iaka nam lahduh la iohrah da u Mebanker Shullai hadien ba ula jop ia u Deilang wa-O Nongpluh 21-11, 21-12.

Haka Men’s Doubles Open iaka nam lahduh la iohrah da Buromlangki Lakiang bad u Deilang wa-O Nongpluh hadien ba kila pynliem ia u Mebanker Shullai bad Gregoreo Passah 21-8, 21-9.

Haka Men’s Singles 35+, iaka nam lahduh la iohrah da u Da-u-ru Laloo hadien ba ula jop ia u Peterson L. Lamare 21-18, 21-11.

Haka Men’s doubles 35+, iaka nam lahduh la iohrah da u Peterson L. Lamare bad  Deymeniv Shullai hadien ba kila pynliem ia u Rimilan Passah bad u Da-u-ru Laloo 10-21, 21-16, 21-11.

Haka 50 + Men’s Singles, iaka nam lahduh la iohrah da u Teddy Laloo hadien ba ula jop ia u Lanunsiama 23-21, 15-21, 16-21. Katba haka 50+Mens doubles iaka nam lahduh la iohrah da u Lalnunsiama bad Ambrose Gatphoh hadien ba kila pynliem ia u Salan Paswet bad Teddy Laloo 23-21, 21-16.