Kut noh ka 15th Inter School Badminton Championship ha Jowai
Ka lympung ialehkai Badminton, ka Inter School Badminton Tournament 2022 kaba pynlong da ka West Jaintia District Badminton kala poi noh sha ka kut haka sngi Saitjain ha Indoor Hall jong ka Dorbar Shnong Chutwakhu Jowai.
Kane ka lympung kaba 4 sngi lynter, kaba la sdang naduh ka 1 tarik u bnai Jylliew la wan ban iahsimbynta da ki 138 ngut ki khynnah ialehkai na ki 16 tylli ki skul kiba kynthup na sor Jowai bad Shangpung. Ha kane ka lympung bun ngut ki khynnah skul kila ïoh ka lad ban pynpaw pyrthei ïaka sap ba tbit bad ba nylla jong ki wat la kila shah rem ha ki jingiakhun.
Wat hadien bala hap ban pynsangeh ar snem ia kane ka lympung na ka daw ka jingwan lyngshop ka khlam COVID-19, hynrei kam shym la theh umpjah iaka jingangnud bad ka jingthmu jong ka WJDBA kaba ialeh ban kyntiew ia kane ka kam ialehkai hapoh ka District namar ba ki sap kaba kyrpang bad ba tbit ki khynnah ki bun byllai bad ki don napdeng ki khynnah ba wan iashimbynta bad khlem pep lada ki ioh ka jinghikai kaba paka ki lah ban iabeh bad iakop ha ki lympung kiba kham heh.
Ki jingiakhun baroh ha kane ka lympung kila kynjoh haduh 202 tylli ki jingiakhun bad ki kyrdan ki kynthup iaka Under-13, Under-15 bad Under 17. Ki jingiakhun ki kynthup iaka jingiakhun para marwei (Singles) bad mar arngut (doubles) kynthei bad shynrang.
U kongsan ba wan ban sakhi ia kane ka lympung dei u ma L Lyngdoh, Joint Director School Education and Literacy, West Jaintia Hills District haka jingiadonlang u ma JM Pohsngap Retd. Officer ka tnad kam khlaw uba long ruh u president ka WJDBA, ma EMH Passah Working president WJDSA nalor kiwei kiwei.
Kine harum ki long ka resol na ka jingiakhun final:
Under 13 Boy’s Single
Teidamei Sungoh uba na ka Jowai Public School ula pynliem ia u Wanki Pakyntein Government Boys’ HSS Jowai da 21-19, 21-17
Under 13 Boy’s Doubles
Jiedmitre Kyndiah bad Riang Fermitre Bareh kila pynliem ia u Ewansa-oo Sumer bad u Jesaia Thiate da 21-9, 21-10. Baroh saw ngut ki khynnah ki dei jong ka skul Jowai Public School
Under-15 Boy’s Singles
Salonbhami Suchiang ba na ka Lummuroo SS Shangpung ula pynliem Lechan Suchiang uba mihkhmat naka juh ka skul da 21-13, 10-21, 15-21.
Under 15 Boy’s Doubles
Lechan Suchiang Nihipaia Suchiang na ka Lummuroo SS Shangpung kila pynliem ia u Iar I tre Kyndiah bad u Eabhami Bareh ba na ka North Liberty HSS da 21-11, 21-15
Under 13 Girl’s Singles
Dabiang Sakani Lyngdoh na ka North Libert HSS kala pynliem iaka Aureliana Passah jong ka KJP HSS da ka 21-12, 21-11
Under 13 Girl’s doubles
Dana Angelika Phyllei bad ka Roviancy Chullai ba na ka Che Star School kila pynliem iaka Shida Phawa bad Ewadaemi Phawa jong ka Jowai Public School da 20-19, 22-21
Under 15 Girl’s Singles
Nami Dakahi Nongpluh KJP HSS kala pynliem iaka Dabiang Sakani Lyngdoh ba na ka skul North liberty HSS da 21-18, 21-12
Under 15 Girl’s Doubles
Ka Namidakni Nongpluh bad ka Aurelia Passah KJP HSS kila pynliem iaka Dabiang Sakani Lyngdoh Knomika Shylla ba na ka North Liberty HSS da 21-14, 21-10
Under 17 Boy’s Singles
Banshan Lamare ba na ka Khatarnor UP School, Shangpung ula pynliem ia u Hownipaia Sutnga ba na ka Lummuroo SS Shangpung da 21-10, 21-18
Under 17 Girl’s Singles
Alvinia Kma jong ka North Liberty HSS kala pynliem iaka Grace Lalbiakhlui ba na ka Adventist HSS da 21-15, 21-19
Under 17 Boy’s Doubles
Lechan Suchiang bad u Salonbhami Suchiang kiba na ka Lummuroo SS Shangpung kila pynliem ia u Rohan Tiwari bad u Chamnahring Pashel Adventist HSS da 21-14, 21-14
Under-17 Girls Doubles
Dabiang Sakani Lyngdoh bad ka Alvinia Kma jong ka North Liberty HSS kila pynliem iaka Vanlalhruitluangi Colney bad ka Grace Lalbiakhlui Adventist HSS da 21-19, 21-11.
Facebook
Instagram
Youtube
Twitter
Leave a Reply