Kut noh ka 18th Open To All Badminton Championship ka Loompyrdi

Syllad | The Rising MeghalayaApril 11, 2021

Ka lympung ïalehkai 18th Open To All Badminton Championship 2021 kaba pynlong da ka Loompyrdi Ïongpiah Sports & Games Committee kala poi sha kaba kut haka sngi Saitjaiñ ha Indoor Hall jong ka Seinraij Jowai .

Kane ka lympung kaba la sdang naduh ka 5 tarik une u bnai la wan ïashim bynta haduh 64 ngut ki shynrang bad kynthei.

Ki lahduh ha kane ka lympung ki kynthup haka Under-17 Boys Single la rah da u Ebhami Bareh, haka kyrdan Under-17 Boys Doubles la rah da u Leminelson bad u Ebhami Bareh, haka kyrdan 50 Above Mens Single la rah da u Goldenstar Kharbuli, haka 50 Mens Doubles la rah da u Goldenstar Kharbuli, haka 35 Men Single la rah da u Dauru Laloo, haka 35 Mens Doubles la rah da u Aiborlang Ranee bad u Kamal Thapa.

Na ki kynthei ha ka Women Single la rah da ka Wandakahi Passah, haka Womens Doubles la rah da ka Ribhalang bad Dakahi Passah.

Haka Open Mens Doubles la rah da u Rimilan Pssah bad Mebanker Shullai, haka Open Mens Single la rah da u Mebanker Shullai katba ha ka Mixed Doubles la rah da u Mebanker Shullai bad ka Emilanadaka Chyrmang.

Ïaki khusnam bad ka song pisa la sam da u kongsan u ma Khroobok Passah, u JM Pohsngap, President WJDBA, u Alan Niangti, Waheh Chnong Loompyrdi Iongpiah, u Tympang Laloo, Chairman Sports & Games Committee Iongpiah bad kiwei kiwei ki dkhot ka Loompyrdi Iongpiah.