Kut noh ka 1st Maitshaphrang Knockout Badminton Tournament ka KSU Narpuh

Syllad | The Rising MeghalayaNovember 14, 2021

Ka jingialehkai Badminton kaba la pynlong da ka Khasi Students’ Union (KSU) Narpuh Circle kala poi sha kaba kut haka sngi Saitjain ha ïing dorbar jong ka shnong Lumshnong.

Kane ka jingialehkai kaba la tip kum ka 1st Mait Shaphrang Knockout Badminton Tournament kala sdang naduh ka 29 tarik u bnai Nailur bad la wan ban iashimbynta da ki nongialehkai na kylleng ki shnong.

I aka nam lahduh haka Men’s Single la ioh rah da u Pophang Khonglah uba naka shnong Sohkha hadien ba ula lah ban pynliem ïa u Saman Sapoh uba na Sutnga

Katba haka phainal Men’s Double la ioh rah da u Lumlang Shadap bad Christopher Dhar kiba na Umkiang hadien ba kila pynliem ïa u Pophang uba na ka shnong Sohkha bad u Rimiki Lamare uba na Lumshnong.

Ia ki khusnam sha ki nongjop la sam da u Waheh Shnong ka Sonapyrdi u Ma Edimon Lamare haka jingïadonlang u Ma Let Mukhim uba na Wahiajer Narpuh kiba long kum ki kongsan bad symbud kongsan haka jingiadonlang ki nongialam ka KSU C Suja General Secretary KSU JHDU, Secretary shnong Lumshnong u Embhahlang Lamare, KS Suchiang President KSU Narpuh Circle nalor kiwei kiwei.