Kut noh ka 36th State Badminton Championship, lahduh ka East Khasi bad West Jaiñtia Hills

Syllad | The Rising MeghalayaAugust 31, 2019

JOWAI: Ka lympung ïalehkai 36th State Badminton Championship kaba la neh saw sngi lynter kala poi noh sha kaba kut haka sngi Saitjaiñ ha Indoor Hall jong ka Khimusniang, Jowai ha kaba u ma Wailadmiki Shylla MLA ka Jowai ula wan ban pynhap pyrda ïa kane ka lympung.

Ka East Khasi Hills District kala wan ba nyngkong haka jingïoh khur takma ha kaba kala ioh khur 9 tylli ki takma Ksiar bad 9 tylli ki takma Rupa. Bud sa ka West Jaiñtia Hills kaba dei ka nongpdiang ïa kane ka lympung ha kaba kala ioh khur 8 tylli ki takma Ksiar bad 7 ki takma Rupa.

Ki khynnah ïalehkai jong ka shlem ai jinghikai Badminton YTBC kala ioh khur kawei ka takma Ksiar bad 2 ki Rupa.

Kane ka lympung kaba la sdang naduh ka 28 Nailar la wan ban ïashimbynta na ki 160 ngut ki nongïalehkai na ki district bapher bapher ka Jylla. Ha kane ka lympung bun ngut ki khynnah bad ki samla kila ïoh ka lad ban pynpaw pyrthei ïaka sap ba tbit bad ba nylla jong ki wat la kila shah rem ha ki quarter final bad semifinal.

Ha kane ka lympung la wan ban ïashimbynta da ki 160 ngut ki nongïalehkai na kylleng ki district. Ka East Khasi Hills District bad ka West Jaiñtia ki dei kiba phah bun ngut ki pleïar ha kaba ka EKH kala don haduh 49 ngut bad ka West Jaiñtia Hills 40 ngut. Ka West Khasi Hills 6 ngut, East Jaiñtia Hills 6 ngut, South West Khasi Hills 9 ngut, West Garo Hills 21 ngut, East Garo Hills 5 ngut North Garo Hills 5 ngut bad ka Young Talent Badminton Club (Mawlai) 17 ngut bad na Ri-Bhoi uwei.

Ka West Jaiñtia Hills kaba la ïaid shaphrang ha kaban kyntiew ïa kam ïalehkai Badminton ha West Jaiñtia Hills (WJDBA) ka duna haka liang ki kynthei namar ba dang bun byllai ki kynthei kim pat mih shakhmat ban ïashimbynta ha kane ka jait ïalehkai bad ki shynrang pat haba ïanujor bad ki khynnah ïalehkai East Khasi Hills District ka dang donkam bha ban hikai pyntbit ba kin ïa kot bor bad ki khynnah kiba la ïoh jinghikai na ki shlem ai jingai jinghikai kiba paw ha ka jylla bad kiba shabar ka jylla.

Ki resol jingiakhun final:
U-13 Boy’s Single: U Aebhami Bareh (WJH) ula pynliem ia u Pratham Mujundar (EKH) da 21-15, 21-15.
U-13 Boy’s Doubles: U Aebhami Bareh & Leminelson Suchiang (WJH) ki la pynliem ia u Pratham Mujundar & Aaron Monin (EKH) da 21-19, 18-21, 21-19.
U-13 Girl’s Single: ka Pratiksha Joshi (EKH) kala pynliem iaka Sophia Laky Dkhar (YTBC) da 21-16, 21-11.

U-15 Boy’s Single: U Mohit Joshi (EKH) ula pynliem ia u Armanroy Bamon (WJH) 21-07, 21-16.
U-15 Boy’s Doubles: U Owawan Dkhar & Armanroy Bamon ki la pynliem ia u Ritre-OO Dame Nongpluh & Sambul Lamare (WJH) da 21-13, 21-13.U-15 Girl’s Single: ka Praktisha Joshi (EKH) ka la pynliem iaka Angenora Momin (EKH) da 21-19, 21-17.
U-17 Boy’s Single: U Deilangwa-OO Nongpluh ula pynliem ia u Gregeoreo Passah (WJH) da 21-19, 21-12.
U-17 Boy’s Doubles: U Deilangwa OO Nongpluh & Gregoreo Passah (WJH) kila pynliem ia u Rapki Chyrmang & Ritre Nongpluh (WJH) da 21-16, 21-16.U-17 Girl’s Single: ka Anginora Momin (EKH) ka la pynliem iaka Sonal Joshi (EKH) da 21-14, 21-15.
U-19 Boy’s Single: u Andrew Lotzem (EKH) ula pynliem ia u Hrisami Passah (WJH) da 21-16, 21-06.U-19 Girl’s Single: Ka Elsarica Umdor (YTBC) ka la pynliem iaka Sonal Joshi (EKH) 21-16, 21-16.
U-19 Boy’s Doubles: U Hrisami Passah & Buromlangki Lakiang (WJH) ki la pynliem ia u Deilangwa OO Nongpluh Wompher Laloo (WJH) da 19-21, 23-21, 21-15.Mixed Doubles U-19: U Hrisami Passah & Josefina Passah (WJH) ki la pynliem ia Benhanan Kharwanlang & Elsarica Umdor (YTBC) da 21-12, 21-06.
Women’s Single: Ka Pretty Singh (EKH) ka la pynliem iaka Sangita K. Singh (EKH) da 22-20, 21-11.Women’s Doubles: Ka Pretty Singh & Sangita K. Singh ki la pynliem iaka Banadien Rapsang & Shailja Chetri (EKH) 21-14, 21-16.
Men’s Single: U Andrew Lotzem ula pynliem ia u Rituraj (EKH) da 13-21, 21-12, 21-19.Men’s Doubles: U Andrew Lotzem & Kiefer Shullai ki la pynliem ia u Mebanker Shullai & Hrisami Passah da 21-13, 21-17.
Senior Mixed Doubles: U Mebanker Shullai & Dorothy C. Challam (WJH) ki la pynliem ia u Raju Joshi & Pretty Singh (EKH) da 21-16, 21-19.