Kut noh ka 7th East Khasi Hills District Badminton Championship

Syllad | The Rising MeghalayaJuly 1, 2023

Ka 7th East Khasi Hills District Badminton Championship kaba pyniaid da ka East Khasi Hills District Badminton Association (EKDBA), kala poi noh sha kaba kut haka sngi Saitjain.

Kane ka lympung kaba neh lai sngi lynter kala sdang naduh 29 tarik Jylliew bad la wan ban iashim bynta da ki khynnah, ki samla bad kumjuh ki nongialehkai ba la Rangbah jong ka nongbah, ia kaba la pynlong ia ka ha  Indoor Hall jong ka JN Stadium, Polo.

Kongsan ba la wan ban sakhi iaka phainal jong kane ka jingiakob dei u bah Peter T Passah, MCS ba bat kum u Project Director jong ka tnat District Rural Development Agency, ryngkat ka jingiadon lang u nongaibuit ia u Myntri Rangbah ka jylla u bah Hamletson Dohling,  ki dkhot  nongkitkam ka Meghalaya State Badminton Association bad kumjuh jong ka East Khasi Hills District Badminton Association.

Ka jingthmu ha lyndet ka jingpynlong ia kane ka lympung iakob ka long ba ka EKHDBA kan ioh ia ka kabu ba kan jied ia ki rang bad ki thei ialehkai ban khreh pat ban mihkhmat ia ka synjuk ha ka State Level Badminton Championship, ban pynlong ia ka da ka Meghalaya State Badminton Association ha Nongstoin West Khasi Hiulls ha ka taiew ba nyngkong u Nailar mynta ka snem.

Ha kine ki lai sngi jong ka jingiakhun ki la don ki jingialehkai kiba itynnad bad ba iakhaid bha bad kumjuh ka jingdon ruh wat ka jingmih paw ki sap ialehkai kibatbit  na ki khynnah rit ba la wan ban iashim bynta ha kane ka lympung.

Ki nongjop ha kane ka C’ship:
U-13 girls’ singles – Asem Chanu Shivani
U-13 boys’ singles – Haegan Diengdoh
U-15 girls’ singles – Netania T Tariang
U-15 boys’ singles – Gavin Kharbuki
U-19 girls’ singles – Angenora Momin
U-19 boys’ doubles – Pratham Majumdar bad Raynell Kharbuki
U-17 girls’ singles – Sneha Chetri
U-19 boys’ singles – Mohit Joshi
Women’s singles – Elsarica Umdor
Men’s doubles – P Joshi and Subadonbor Pyngrope
Men’s singles – Mohit Joshi