Kut noh ka 8th Meghalaya State Shooting C’ship

Syllad | The Rising MeghalayaJuly 6, 2023

Ka lympung iasiat suloi kaba pyniaid da ka Shooting Association of Meghalaya (SAM) kaba tip kum ka 8th Meghalaya State Shooting Championship kala poi noh sha kaba kut haka sngi Balang.

Kane ka jingiakop siat suloi kaba saw sngi lynter kala long Indoor Shooting range ka Assam Regimental Centre, Happy Valley, Shillong.

Ha kane ka kynti ki don haduh 60 ngut ki nongialehkai kiba la wan iashim bynta ha ki kyrdan iakob bapher bapher.

U kongsan ba wan sakhi ia kane ka jingiakop u dei u Chief Executive Member Khasi Hills Autonomous District Council u bah Pyniaid Sing Syiem, katba u symbud kongsan dei u bah Bibatdor M Syiem ba dei u Chief Engineer ka State Sports Council of Meghalaya, u Principal Pearly Dew Secondary School, bah Toshanlang Kharsati.

U Ritu Raj Bhagwati uba dei uwei na ki International Judge ula wan sakhilang ia kane ka jingiakop haka jingiadonlang u Davis NR Marak Vice President SAM bad kiwei kiwei.

Ha kaba kut jong ka sngi la ioh ruh ban sam ia ki takma bad ki syrnot sha ki nongialehkai bala ioh ban khur ia la ki jingjop bad kine ki long Banrilang Bleine, Wanpliborlang Nongsiej, Abhay Mukharjee, S.Rebecca, Veronica Buhroy, Amalisha N Sangma, Khrawborlang Jyrwa, Rijun Kharbani Malvin Kurbah, Christina Kharbuli, John Thounaojam,Walsall M Momin, Mawdaker Marwein, Toiaibha Mylliempdah, Da-i-labynta Ryntathiang, Sumita Paul, Sahil Sinha, Lamphrang Mame Allya, Divieja Om Bali, Davis NR Marak Bapynkmen Ajar, John Kharshiing, Rajdeep Ghosh, Anjali singh, Jeremy Nongrum, Marbarisha Mylliempdah, Anthony Lakiang, Shirley Mary Kharbuli, Balarisha Rani, Pynskhem Surong Mathiush Sangma, Bibatdor M Syiem Verisha Maring, Balarishisha Rani.