Kut noh ka District Level Arts and Culture Competition ha Jowai

Syllad | The Rising MeghalayaAugust 3, 2019

JOWAI: Ka District Level Art and Culture Competition kaba pynlong da ka District Art and Culture Society, West Jaintia Hills District haka 2 tarik une u bnai ha District Library Auditorium, Mynthong, Jowai kala long kaba shongshit ha kaba ki nongjop na kylleng ki block bad ki skul na Jowai kila wan ïashimbynta haka ïakop Painting Competition and Art and Craft Competition, Folk Song-Group and Solo, Folk Dance- group, English Song Solo and Indigenous Instrumental.

Haka iakop rwai haka kyrdan English Song Solo, u Dawbhaki Pde na Jowai Public School ula long u lahduh, ka lahduh ba ar ka dei ka Sangawaka Jungai bad ka lahduh ba lai ka dei ka Darikynti Ryngkhlem kiba na Government Girls Higher Secondary School Jowai.

Haka kyrdan Folk Song Solo u lahduh u dei u Dawanpynchelang Pohtam na Sohkha Government Higher Secondary School, lah duh ba ar ka Rihun Pohleng na Jowai RMSA Secondary School bad ka nam ba lai la ioh da u Jasper Nongrum na Jowai Presbyterian Higher Secondary School.

Haka Folk Song Group, ka Sohkha Government Higher Secondary School kala long ka lahduh, ba ar ka Public School Jowai bad ba lai ka Jowai RMSA Secondary School.

Folk Dance Group ka lahduh ka dei ka Dulong Secondary School Jowai, ba ar ka Mukhla Raij Higher Secondary School bad ba lai ka Thadlaboh Presbyterian Higher Secondary School Jowai.

Ki nongjop haka Painting competition, u Wanhi- I Challam na Synod Mihngi Higher Secondary School ula long u lahduh,  lahduh ba ar ka Arianki  na Tpep Pale Secondary School, Jowai bad ba lahduh ba lai ka Dini Kyndait na  KJP Synod Mihngi Higher Secondary School.

Haka Arts & Crafts Competition u Dawanmi Tangliang Thadlaboh Presbyterian Higher Secondary School, Jowai ula ïoh ban rah iaka nam nyngkong, ba ar ka Dakiniarba Khonglah na Sohkha Govt Higher Secondary School bad balai ka Adelphe Ester Nengnong na Thadlaboh Presbyterian Higher Secondary School, Jowai.

Haka jingtem Indigenous Instrumental, ka Sohkha Government Higher Secondary School kala long ka lahduh, KJP Synod Mihngi Higher Secondary School ka lahduh ba ar bad ka lahduh ba lai ka dei ka Thadlaboh Presbyterian Higher Secondary School, Jowai.

Ki nongjop baroh kin leit ban ïashimbynta haka State Level Art and Culture Competition kaban sa long shen.