Kut noh ka District Open Badminton C’ships ka WJDBA, bat biang Mebanker iaka nam lahduh

Syllad | The Rising MeghalayaSeptember 15, 2024

Ka lympung ialehkai 15th District Open Badminton Championship kaba pyniaid daka West Jaintia District Badminton Association (WJDBA), Jowai kala poi noh sha kaba kut haka 14 tarik Nailur kaba long ha Indoor Hall ka Seinraij ha Tpeppale Jowai.

U Mebanker Shullai, ula bteng ban buh rekod haka history ialehkai badminton ka WJDBA da kaba khur iaka nam lahduh haka Men’s singles haka kyrdan open category da kaba pynliem ia u Deilang wa-O Nongpluh da 21-15, 21-13.

Nalor ka jingiakhun para marwei u, u Mebanker ula jop ruh haka mixed doubles ryngkat bad ka Josfina Dala Passah hadien ba kila pynliem iaka Ribhalang Passah bad Deilang wa-o Nongpluh da 21,8-21-16.

Katba haka jingiakhun Men’s doubles open, u Mebanker Shullai bad Gregereo Passah kila liem ha u Hrisami Passah bad Delangwa-O Nongpluh da (21-17, 18-21, 21,18).

Haka women singles iaka nam lahduh la rah da ka Josefina Dala Passah hadien ba ka pynliem iaka Pretty Mary Sumer da 21-17, 21-15.

Haka Under-19 Boys single la jop da u Leminelson Suchiang hadien ba ula pynliem ia u Banshanbor Lamare da 23-21, 21-16.

Haka 35+ Men’s singles, iaka nam lahduh la rah da u Ram Najiar hadien ba ula pynliem ia u Marbiangki Bareh (18-21, 21-18, 21-14).

Haka 35+ Men’s doubles iaka nam lahduh la rah da u Ram Najiar bad Rimilan Passah hadien ba kila pynliem ia u Marbiangki Bareh bad Daymeniv Chullai (21-12, 21-12).

Haka 55+ Men’s singles iaka nam lahduh la rah da u Ambrose N. Gatphoh hadien ba ula pynliem ia u John F. Synkrem (22,20-21,10).

Haka 55+Men’s doubles iaka nam lahduh la iohrah da u Dawanroi Pyrbot bad Ambrose N. Gatphoh hadien ba kila pynliem ia u Wanmi Dkhar bad John F. Synkrem (25,23-23-21).

U kongsan District Sports Officer (DSO), West Jaintia Hills Ma Khroobok Passah ula wan ban pynhap pyrda ia kane ka lympung ialehkai haka jingdonlang ki nongialam bad dkhot nongkitkam ka WJDBA kynthup u President Ma D. Pyrbot, Secretary Rimilan Passah nalor kiwei kiwei.