Kut noh ka dorbar lyuir ka JHADC

Syllad | The Rising MeghalayaJuly 12, 2022

Ka Dorbar Lyiur jong ka Jaintia Hills Autonomous District Council (JHADC) kala kut noh tang shisngi hadien ba kam don ki mat ban iatai haka sngi Nyngkong.

Ha kane ka dorbar wat ka kynta kylli jingkylli bad jubab ruh kam don hadien ba MDC ka BJP u ma Lakhon Biam uba rah bun ki jingkylli ha kaba iadei bad ka ioh ka kot ka konsil ula pep ban wan dorbar.

Ha kane ka dorbar la kynmaw burom ia u MLA barim bad MDC bad uba la bat ruh iaka shuki CEM barim ka JHADC u ma Sing Mulieh uba la khlad haka 10 tarik u Jymmang.

U Ma Sing Mulieh ula long kum u MDC saw samoi naduh u naduh 1983 haduh 1994

Ha kane ka dorbar u Thombor Shiwat CEM JHADC ula wanrah iaka official report iaka jingkyntiew kyrdan iaki saw ngut nongtrei ka JHADC naduh ka 30/06/2022. Kine ki saw ngut ki kynthup ia u Johnsing Tariang uba bat ïaka kam Recorder sha u Assistant Land Record & Settlement Officer, u Wanshanlang Songthiang uba bat kum u DCLP School Teacher sha ka kyrdan Assistant Finance & Account Officer, u Jolby Sana uba bat Recorder sha u Assistant Administrative Officer bad ka Dalinkee Suwer kaba bat kum ka LD Assistant sha ka kyrdan Assistant Planning Officer.

Nalorkata u CEM ula pyntip ruh ba la thung ïa u MDC u Ma Holando Lamin kum u Vice Chairman Land Revenue & Land Reform Committee, Jaintia Hills Autonomous District CouncilCouncil naduh ka 01/06/2022.

U CEM ula iathuh ruh hapoh ka ïing ïaka Election jied dolloi kaba la pynlong da ka JHADC haka 23 tarik Jylliew na bynta ki ar Elaka kynthup ka Elaka Shangpung ba la jop da u Chanki Langbang bad ka Elaka Nartiang ba la jop da u Salong Lamare.

Shuh shuh ha kane ka dorbar la wanrah ïaka kaiphod (Report of the Comptroller and Auditor General of India (CAG) na bynta ka samoi jong u snem 2009, 2010 bad 2011 kaba la pdiang da ki dkhot ka ïingdorbar ban phah sha u u lat jong ka Jylla.

Ïa kane ka dorbar la pynkut noh mynta hi ka sngi namar bym don shuh da kiwei kiwei ki mat ïatai.