Kut noh ka iakop ialehkai Table Tennis ba shisngi ka WJHTTA

Syllad | The Rising MeghalayaDecember 29, 2023

Ka West Jaintia District Table Tennis Association (WJHTTA) haka 29 tarik Nohprah ka la pynlong iaka lympung ialehkai kaba shisngi kaba tip kum ka ‘Open One Day Table Tennis Tournament’ ha Kiang Nangbah Indoor Stadium, Jowai.

Ha kane ka lympung ialehkai la wan shim bynta 32 ngut ki rangialehkai haki lai tylli ki kyrdan kynthup ka kyrdan Under-16 Boy’s Single, Men’s Single bad Men’s Double.

Haka kyrdan Under-16 Boys Single’s, u Corban D Khonglah ula rah iaka nam lahduh hadien ba ula pynliem ia u Kermi W Lywait da 11-5, 9-11, 9-11, 11-6, bad 11-8.

Haka Men’s single u Eraphael Dkhar ula rah iaka nam lahduh hadien ba ula pynliem ia u Deonicious Chullai da 11-6, 11-8, 11-9, bad 11-7.

Haka Men’s doubles u Eraphael Dkhar bad u Deonicious Chullai ki la rah iaka nam lahduh hadien ba ki la pynliem ia u Rabin Passah bad Muni Kynjin da 11-4, 11-9, 11-9, bad 11-5.

Iaki khusnam sha ki nongjop la sam da u District Sports Officer, West Jaintia Hills u Ma Khroobok Passah, haka jingdonlang ki nongialam bad dkhot nongkitkam ka West Jaintia District Table Tennis Association.