Kut noh ka iakop iasiat khnam ba shi sngi ka WJDSA

Syllad | The Rising MeghalayaDecember 13, 2022

Kum shibynta ka jingrakhe ïaka golden jubilee, ka West Jaintia District Sports Association (WJDSA) ka la pynlong ïaka jingïakop iasiat Khnam ne Traditional Archery Competition ba shisngi ha madan Kiang Nangbah Stadium Ladthadlaboh haka sngi Nyngkong.

Ha kane ka jingïakop la wan shim bynta haduh 22 ngut ki nongsiat khnam haka jingïakhun para marwei bad mar ar ngut.

Haka jingïasiat khnam mar arngut u Lamet Phawa & Karlin Phawa kila long ki lahduh bad kila ïoh khur ïaka song pisa kaba 20,000 tyngka bad ka khusnam ba ar la ïoh rah da u Sainmiki Suwer bad u Sajemiki Laloo ryngkat ka song pisa kaba 10,000 tyngka.

Haka jingïasiat para marwei ïaka nam lahduh la ïohrah da u Lamet Phawa bad ba ar da u Embok Phawa. Kine ki ar ngut kila rah iaka song pisa 10,000 bad 5,000 tyngka.

Hadien ka jingïakop ka la don ka jingïalang sam khusnam ba la pynïaid da u Working President WJDSA u Bah EMH Passah haka jingdonlang u kongsan president ka Kiang Nangbah Ïasiat Khnam Memorial Society (KNIKMS) u Bah Pearlet Toi, u Hony General Secretary WJDSA u Bah Lammat O Laloo bad kiwei kiwei ki dkhot nongkitkam ka WJDSA.