Kut noh ka Inter School Badminton C’ship ka WJDBA

Syllad | The Rising MeghalayaApril 12, 2025

Ka lympung ialehkai badminton – ka 18th Inter School Badminton Championship ba la pyniaid da ka West Jaintia District Badminton Association (WJDBA) ha Kiang Nangbah Indoor Hall Stadium Jowai kaba la sdang haka 8 tarik Iaiong kala poi noh sha kaba kut haka 11 tarik Iaiong.

Haduh 143 ngut ki khynnah naki 13 tylli ki skul kiba don ha Jowai, Shangpung bad ki skul marjan bad ka sor Jowai kiba la iashim bynta ha kane ka lympung kaba don haduh 115 tylli ki jingiakhun naka bynta ka kyrdan Under-13, 15, bad 17 ba kynthup iaka Singles bad Doubles.

Haba phai sha jingialehkai final, haka jingiakhun kaba para marwei jong ka kyrdan Under-13 Boys’ Singles, u Ewanmi L Sutong ula pynliem ia u Emmanuel Bando da 13-21, 22-20, 15-21 baroh ar ngut kidei na Adventist Higher Secondary School.

Haka jingiakhun Boys’ Doubles Under-13, u Ewanmi L Sutong bad Jingjang R Sangma kila pynliem ia u Rasangliana Kawlni bad Emmanuel Bando da 21-19,19-21, 21-18, baroh kidei na Adventist Higher Secondary School.

Haka kyrdan Under-15 Girls’ Singles ka Rosangzuali Kawlni na Adventist Higher Secondary School kala long lahduh bad ka Dayana Shullet na Dollini Secondary School kala wan ba ar (18-21,13-21).

Haka jingiakhun Under-15 Boys’ Doubles, u Thangpei Zimik bad Stephen Wakambam kila long ki lahduh da kaba pynliem ia u Rikerlang Lamare bad Jonathan Chris Bhaggien kila wan ba ar (13-21,17-21) baroh kidei na Adventist HSS.

Haka Under-15 Boys Singles, u Dathrang I Langstang na Clear Water Secondary ula long u lahduh, katba u Deimonmi Shadap na Khadar-nor UP School ula long u lahduh ba ar (17-21, 30-29,10-21).

Haka Under-17 Girls’ Singles ka Dana Angelika Phyllei na KJP Higher Sec School kala long ka lahduh hadien ba kala pynliem iaka Catherine Wakambam Daimari na Adventist HSS (21-18, 16-21, 10-21).

Haka Under-17 Girl’s Doubles, ka Catherine Wakambam bad Rosangzuali Kawlni na Adventist HSS kila long ki lahduh da kaba pynliem iaka Daphika Ryngkhlem bad Shida Phawa na Jowai Poblic School (10-21, 11-21).

Haka Under-17 Boys’ Doubles u Lechan Suchiang bad Dapmon Papang na Lummuroo Sec School kila long ki lahduh katba u Thangpei Zemik bad Stephen Wakambam na Adventist HSS kila wan ba ar (10-21, 17-21).

Haka kyrdan Under-17 Boys’ Singles u Lechan Suchiang ula long u lahduh da kaba pynliem ia u Dapmon Papang (15-21, 17-21) baroh ar kidei na Lummuroo Sec School.

Iaki khusnam shaki nongjop la sam da u president ka WJDBA Ma Dawanroi Pyrbot, haka jingdonlang ki dkhot ka WJDBA ki nonghikai bad ki khynnah skul.