Kut noh ka jingai jinghikai shet jingbam ‘Fast Food’ ha Mowkyndeng

Syllad | The Rising MeghalayaNovember 21, 2020

Ka jingai jinghikai shet jingbam ‘Fast Food’ ha Jacob Syngkon Training Center (JSTC) haka shnong Madankynsaw-Mowkyndeng West Jaintia Hills kala poi sha kaba kut haka sngi Thohdieng.

Ia kane ka training la pynlong da ka Jaintia Society for Social and Economic Empowerment (JSSEE) da ka jingiarap pisa ka scheme ka ophis Deputy Commissioner, West Jaintia Hills District lyngba ka Chief Minister Youth Development Scheme (CMYDS).

Ki don haduh 30 ngut kiba shah hikai kaba kynthup iaki kynthei bad shynrang ha ka rta kaba 14 haduh 25 snem. Ia kane ka training la ai jinghikai da I kong Matilda Shadap iwei na ki nongshet ba pawnam jong katei ka thain.

Kane ka jingai jinghikai shet jingbam kala neh san sngi lynter kaba la sdang naduh ka 16 tarik une u bnai ha kaba ha kane ka sngi pynkut la sam artad ia ki Completion Certificate sha baroh ki Trainees da u ma Dwik Lamin DTO East Jaintia Hills District, ha ka jingiadonlang u ma Bud Rimanki Chympa Executive Director JSSEE bad ki nongpyniaid shnong.

Na ka liang jong ka JSSEE ka ai khublei kyrpang ia u DC ka West Jaintia Hills District u Garod LSN Dykes halor ka jingiarap lyngba katei ka scheme, khamtam ha kaba iadei bad ka jingpynkupbor ia ki samla jong kane ka thain lyngba kine ki training kiba bun jait.