Kut noh ka jingmutdur ia u dewiong ba dangsah, yn lilam ka sorkar sa 8 lak Metric ton
Ka jingsah lyngngoh, ka jingsah haka umdum bad ka jingmutdur ban tip sa katno dang sah u dewiong bala dep tih kala kut noh, hadien baka sorkar Jylla lyngba ka tnad Mining & Geology kala pynbna ia u dewiong uba la dep lum jingkhein biang baroh ne uba tip kum u re-assessed/re-inventoried coal. Haduh mynta u dewiong bala dep lum jingkhein u don 8, 15,386.635 Metric Ton bad ia une u dewiong ruh yn sa die lilam katkum ka por bala buh.
Ka tnad Meghalaya Mining & Geology Department lyngba ka jingpynbna paidbah (public notice) kaba kala pyllait paidbah, kala ong ba u dewiong uba la shim jingkhein bad uba don haka thup jong ka re-Inventory list kaba la shim dur dar iaka jingdon u dewiong lyngba ka drone bad pynshisha dalade da u briew lane baroh ar ha ki jaka bapher bapher ha snem 2022 2023.
Katkum ka rukom shim jingkhein la lap ba ha baroh kawei ka jylla u dewiong uba dang sah u don 14,10,710.41 MT. Na une u dewiong ba 14,10,710.41 MT, 5,95,323.775 MT la dep ban die lilam daka CIL bad ka ba sah kalong sa ban kit bad ban shalan na ki jaka buh ia u dewiong.
Ka tnad Mining & Geology Department kala ong, baroh ki trai dewiong kiba don ia u dewiong haki jaka bapher bapher bad kiba don haka thup jong ka re-inventoried kin aplai noh iaka Transit Pass (T.P) mardor nala ki jong ki Deputy Commissioner khnang ban ioh kit ia u dewiong uba la dep sei ban pynpoi sha ki jaka buh dewiong ba la pynbeit daka CIL.
La maham ruh ba u dewiong u bym don haka jingkhein bad ki jaka bala kdew, yn kurup ia une u dewiong bad yn pynshitom iaki trai dewiong katkum ki kyndon ain kiba hap hapoh ka MMDR Act, 1957.
Lada lap ba ym don dewiong ne duna u dewiong na ka jingkhein kaba la lum biang, yn pynshtiom ia kum u trai dewong bad katklum ki kyndon ba shah hapoh ka MMDR Act, 1957.
Ka tnad Mining kala ong marsien dep ban lilam ia baroh u dewiong 14,10,710.41 MT, baroh u dewiong uba la lumthup lane ba dangsah ha kino kino ki jaka ne shabar u dewiong bala lum jingkhein ka sorkar kan shimti ia une u dewiong.
Ia une u dewiong uban kurup yn pynlut da kaba lilam da ka sorkar bad baroh ki jingiohnong kan leit sha ka pla tyngka ka sorkar. U trai dewiong um lah satia ban kam ia une u dewiong ne ka pisa kaba mih na ka jinglilam ka sorkar ia une u dewiong.
Facebook
Instagram
Youtube
Twitter
to pynmih ia ka iew dewiong ngi kiba duk ngi bun ki jingjynjar khlem ka iew dewiong kumba nga hi ialade nga da sngw shibun ki jynjar khlm iakane ka iew. te nga da kyrpad jor iaphi ki wa heh to phi da ialeh smt smt ba ngin ioh ia ka jngsk na liang ka pisa. te to phi da sngw bha bn klm hi iakito kiba khang ia ka ne ka jngkhih jong ngi kiba duk . te tng kine ki kyntien kiba khyndiat u Blei un don ryngkat lem bad phi khnang ba phin ih ban ia klm bha ia kane ka iew ka had khublei shibun. kat kiba ia tylli sha phang ka ne iew dewiong. khublei shibun shibun shibun. da ka jing don ryngkat u Blei bad phi ba phin ioh ban wai ia ka iew. Amen.