Kut noh ka prokram career counselling ka SULSS
Ka Social Upliftment And Livelihood Sustainability Society (SULSS) jong ka jingiaseng Samla War Sepngi District, War Jaintia Presbytery kala pynkut noh iaka Program Career Counselling haka shnong Mawlong haka 29 tarik Naiwieng.
La kyrshan ia kane ka prokram da ka ophis u Deputy Commissioner West Jaintia Hills District lyngba ka Chief Minister Youth Development Scheme 2022-23 ha ryngkat ka jingiatreilang bad ka jingiaseng Samla Balang Prsbyterian Mawlong.
Ia kane ka program la pyniad da u Chairman jong ka Society u Bah W. Lamin uba long u Rangbah Balang bad la ioh ban pule sdang bad duwai da u Marshall Manner.
U kongsan ha kane ka counselling dei Het Pohthmi MDC & Deputy Chairman jong ka JHADC, West Jaintia Hills.
U Bah M Kharpran Block Project manager MSRLS, Amlarem BMMU ula long kum u riewshemphang ban iasyllok bad ki nongiashimbynta. La ioh ruh iaka jingkren na u Rev. JM Manner.
Ka jingthmu jong ka Society lyngba kane ka program ka long ba ki khun samla jong ka shnong bad ka Balang kin nang ban jied ia ki lain pule puthi bad ban tip ia ki lad kumno ban seng kam seng jam khnang ba kin lah ban ieng ha la ki jong ki kjat. Ki don kumba 53 ngut ki nongwan ia shim bynta ha kane ka program.
Ha ka ban pynkut ia kane ka program la ioh ia ka kyntien ai khublei na u Secretary jong ka Society Bah C.F.S Khonglah da kaba pynpaw ia ka jingsngew nguh ia baroh ki nongiashim bynta baroh, kum juh ia ka Jingiaseng Samla Balang Presbyterian Mawlong, ki nongpyniad Shnong bad ka ophis u Deputy Commissioner West Jaintia Hills District.
Facebook
Instagram
Youtube
Twitter
Leave a Reply