Kut noh ka Table Tennis Competition ka WJDTTA

Syllad | The Rising MeghalayaSeptember 28, 2024

Ka West Jaintia District Table Tennis Association (WJDTTA) haka 28 tarik Nailur kala pynkut noh iaka jingiakop Table Tennis Competition kaba shi sngi kaba long ha Kiang Nangbah Indoor Stadium, Ladthadlaboh, Jowai.

Ia kane ka jingiakop la pynlong shibynta ka jingpynkhreh iaka lympung bah ka Jylla- ka Meghalaya Games ka ban long ha nongbah Jowai-Wahiajer ha u snem 2025 ban ioh sei iaki rang bad ki thei ialehkai ka district.

Haba phai sha ka jingialehkai haka mixed doubles, iaka nam lahduh la iohrah da u Eraphael Dkhar & Shimtimon Nongbri hadien ba kila lah ban pynliem ia u Enangtei Ymbon & Sakaniroi Tariang da 11-2, 7-11, 12-10, 11-9, 11-8, 11-8.

Haka women’s singles iaka nam lahduh la iohrah da ka Sakaniroi Tariang da kaba pynliem iaka Pynhunlang i Dkhar da 9-11, 5-11, 11-7, 11-8, 11-7, 11-5.

Haka men’s singles u Lammida-oo Passah ula pynliem ia u Eraphael Dkhar da 8-11, 11-9, 5-11, 11-6, 11-8, 11-8.

Katba haka men’s doubles u Enangtei Ymbon & Ripingson Dkhar kila iohrah iaka nam lahduh hadien ba kila lah ban pynliem ia u Eraphael Dkhar & Kermi William Lywait da 11-6, 6-11, 11-7, 8-11, 11-5, 9-11, 11-6.

U Assistant Director Directorate of Sports & Youth Affairs bad DSO West Jaintia Hills u Ma Khroobok Passah ula long kum u kongsan haka jingdonlang u Working President WJDSA Ma EMH Passah, Vice President WJDSA Patrick Lamare bad kiwei kiwei kila sam iaki khunsam sha ki nongjop

Hadien ka jingiakop u kongsan nalor kiwei ki la sam iaki khusnam sha baroh ki nongjop.