Kut noh ka U-12 CMYDS football tournament ha Mawkynrew Block; ka Syntung SC & Laitkyrhong FC ki lahduh
SHILLONG: Ka Block Level U-12 Football Tournament kaba la long ha Mawkynrew Block kala poi sha kaba kut haka 7 tarik u Lber ha madan Mawleiñ.
Ïa kane ka lympung ïalehkai ki khynnah rit ba kynthup ïaki shynrang bad kynthei la pynlong lyngba ka Chief Minister Youth Development Scheme (CMYDS) da ka ophis u District Sports Officer, East Khasi Hills District, Shillong.
Lawan ban plie ïa kane ka lympung da u Bah Ham Suting, Chief Organizer Mawkynrew Block.
Haka jingïakhun ïaknieh nam lahduh na kaliang ki shynrang ka Laitkyrhong FC kala pynliem da 2-1 ïaka Syntung SC.
Na ki kynthei pat ka Syntung FC kala jop ïaka Thangsning FC da 2-1.
Baroh ar tylli kine ki kynhun kin mih khmat ïaka block haka District Level ka ban sa pynbna shen.
La sam ïaki khusnam da u Phrangstarwell Wankhar, Sirdar, Mawlein, u Ham Suting, Organizer Mawkynrew Block, u T. Poshna, Chairman BDMC Block Mawkynrew ha ryngkat ka jingiadonlang kiwei kiwei ki rangbah.
Facebook
Instagram
Youtube
Twitter
Leave a Reply