Kut noh ka Youth Exchange Programme u DSO Jowai, jop bun ka Govt Boys’ HSS

Syllad | The Rising MeghalayaOctober 26, 2024

Ka prokram kaba ar sngi kaba la tip kum ka District Level Youth Exchange Programme kaba pynlong da ka ophis u District Sports Officer (DSO), West Jaintia Hills District kala poi sha kaba kut haka 25 tarik u Risaw ha Kiang Nangbah Govt College Auditorium Hall, Jowai.

Ka matpdeng jong ka long: “Today’s Youth, Tomorrow’s Leader,”

Ka jingthmu kane ka program kalong ban sei iaki sap ki phong jong ki khynnah skul haka jingiakop bapher bapher ruh bad ban pynmih iaki nongialam. Ki jingiakop ki kynthup iaka Thematic (Science Mela), ki jingrwai bad jingshad tynrai, ka jingiakop thoh Poetry, jingiakop thoh khana, Declamation bad Quiz competition nalor kiwei kiwei ki jait jingiakop.

U Ma Khroobok Passah DSO haka jingkren haka sngi sdang haka 24 tarik u Risaw, ula ong ba kane ka dei ka sien kaba lai ba la pynlong ia kum kane ka rynsan bad kala kylla long ruh ka rynsan kaba kyrpang bha iaki samla ba kin ioh ka lad ban sei iaka sap ka phong jong ki

Haka sngi pynkut ka Kong DV Lyngdoh, ADC West Jaintia Hills District kala long kum ka kongsan haka jingdonlang u District Sports Officer (DSO), West Jaintia, ki nonghikai, ki khynnah skul nalor kiwei.

Haka jingiakop thoh Poetry u Marquis M. Pde na Govt. Boy HSS ula wan ba nyngkong bad ka Philarisa Dkhar na KJP Synod Mihngi HSS kala wan ba ar. Haka Story writing ka Samhakaru Lipon na Govt. Boys HSS kala wan ba nyngkong bad Ibakordor Wahlang na North Liberty HSS kala wan ba ar.

Haka jingiakop Painting, Khamti Lyngdoh Talang na Nongtalang Collage kala wan ba nyngkong bad ba ar Iaphilang Nongrang na Kiang Nangbah Govt. College kala wan ba ar. Haka Declamation nyngkong Sagacious Situng na Govt. Boys HSS bad ba ar Jordanity Sukhlain na North Liberty HSS.

Haka Folk song ka Hun-i-kai Rymbui Nongtalang College kala wan ba nyngkong bad ba ar Dametre Lanong na Govt. Boys HSS. Haka Solo Folk Dance ba nyngkong Cinoria Suting na Govt. Boys HSS ba ar Wanisha Rymbai na Marian Hills HSS.

Haka jingiakop Group Folk song la wn ba nyngkong ka Thomas Jones Synod College ba ar North Liberty HSS. Haka Group Folk Dance ba nyngkong Seinraij HSS bad ba ar Govt. Boys HSS.

Haka jingiakop Quiz ka Gracemelord Sungoh bad Felyun Erol Lamare na Govt. Boys HSS kila wan ba nyngkong Snehashish Bhattacherjee bad Khamtilang Myrlia na Nongtalang College kila wan ba ar.

Haka jingiakop Science Mela ka Govt Girls HSS kala wan ba nyngkong.