Kwah SP ka EJNC da u Khasi Pnar ha East Jaintia Hills

Syllad | The Rising MeghalayaJune 21, 2020

Ka East Jaintia National Council (EJNC), hadien Sorkar Jylla kala kynriah kam iaki Superintendent of Police (SP) jong ki District bapher bapher kiba kynthup ia u Vivekanand Singh, SP East Jaintia Hills District bad thung ruh da u Deepak Kumar Palecha IPS kum u SP ba thymmai jong ka East Jaintia Hills Dsitrict.

Nakaliang ka EJNC kam don ka jingpyrshah iaka jingshah kynriah kam jong u SP barim ka District, hynrei ka pyrshah jur iaka jingphah ka sorkar da u Deepak Kumar Palecha IPS, kum u SP thymmai ka East Jaintia Hills District kala pynpaw ka jingpyrshah bad dawa ba ka sorkar kan phah da uba nang kren Khasi-Pnar.

Ka EJNC ka pyrshah iaka jingphah SP thymmai haka nongrim ba kan wanrah jingeh na ka daw ka ktien ka thyllliej bad ka EJNC kala kam ba kala sakhi ia shibun ki jingeh baki paidbah ki ia tyngkhuh tang naka daw ka jingbym ia sngewthuh haka ktien ka thylleij.

“Dangbun ki nongshong shnong jong ka District kiba shem jingeh ban kren daka ktien phareng ne Hindi bad ngi kwah ba ka sorkar kan phah SP thymmai da ki trai jylla ne Khasi-Pnar, khamtam da kiba nang ban kren iaka ktien Khasi-Jaintia ban long kum u SP ba thymmai jong ka East Jaintia Hills District,” la ong u Sambormi Lyngdoh president EJNC.