Kylla bad kem ding ka trok ha Ladthadlaboh Jowai, lait thaw ki iing briew bad kali mynsaw u nongniah

Syllad | The Rising MeghalayaDecember 14, 2023

Kawei ka trok kit dewbilat kala kylla hadien ba kala leit rat iaka kynroh haki iing briew haka surok bah ha Ladthadlboh, Jowai haka step phyrngap jong ka 14 tarik Nohprah.

Ha kane ka jingjia kaba la jia haka por kumba 2:30 Am kane ka trok 12 shaka kala julor phom na ka bynta ba shakhmat bad kala kem ding, hynrei la lah pat ban tem iaka ding ban lait pur sha ki bynta ba shadien ka drok.

Ar tylli ki kali kawei ka alto bad kawei ka Bolero kiba pynieng hala ki jong ki phyllaw kila julor malu mala naka jingrat ka trok iaka kynroh.

Katkum ki dak ki shin la suba kane ka trok kala kham pynher sted bad shuwa ba kan kylla, kala tynrah ia u mawsalin uba heh uba don shabar ka surok ha lad ban leit sha Kiang Nangbah Stadium ne Iawthyme, kaba ka surok ka long khun. Nangta kala rat iaka kynroh ha iing briew bad kylla syndon harud kawei ka dukan mar pyrshah bad ka Fort Departmental Store. Ka jingjngai ba kylla kane ka trok la kumno kumno 10-15 metre.

Ha kane ka jingjia u nongniah kane ka trok uba pat lah ban pynthikna iaka kyrteng bad ka jaka sah, ula mynsaw jur na ka bynta ka khlieh.

Ki Pulit pyniaid kali ka Jowai ban marsien tip ia kane ka jingjia kila hiar sha kane ka jaka bad ai jingiarap.

Haduh bala thoh iaka khubor ym pat lah satia ban tan ne pynkynriah ia kane trok.