Kylla jaka pynlang ñiut ka surok bah ha War Jaiñtia

Syllad | The Rising MeghalayaFebruary 19, 2019

JOWAI: Baroh shi katta la ong ba ki thaiñ war ki dei ki jaka ba khuid, pynban kalong mar khongphong ha kaba la lap tyngkreiñ ba ka surok bah haka shnong Amlarem kala long ka jaka theh ñiut.

Naduh ka 18 tarik haduh mynta ka sngi ym don ba pynlang pynlum ïaki ñiut kiba mih na ki nongshong die jingdie ha Amlarem kaba la wanrah ka jingthud ka ïaid ka ieng u paidbah khamtam kali ba ki hap ban kiar ïaki ñiut bala lumthup shi jaka ha surok.

La ïathuh ba ka Amlarem kam don jaka bret ñiut bad ka jaka ba shait bret barabor ruh ki trai jaka kila thmu ban sdang tei jingtei bad la khang ban bret ïaki ñiut kiba mih na Amlarem.

Ka Sorkar India ka ialap ban pynlong ka ri kaba khuid lyngba ka program Swachh Bharat, kaba la sdang naduh u 2014 bad buh ka thong ban pynlong ïaka ri kaba khuid naduh ki surok, ki shynkiar ïing, ki jingtei ha sor bad nongkyndong ha ka sngi kha U Kpa ka Ri haduh u Risaw 2019.

Phewse kane ka thain kynthup ïaka Jowai, ka nongbah jong ka District West Jaiñtia Hills kata ka jingthmu ban wanrah ka khuid ka suba ka dang shimpor namar bym don kita ki bor ban pyrkhat kum ban pynlang ïaki ñiut ban kylla spah bad u paidbah ruh u iai bteng ban bret kat shaba lap ba shem.