Kylla ka saiñ pyrthei ha JHADC, yn iatreilang noh ka BJP, NPP bad UDP

Syllad | The Rising MeghalayaMarch 18, 2020

Sa tang katto katne sngi ba ka Dorbar Mang Tyngka jong ka Jaiñtia Hills Autonomous District (JHADC) kan sdang noh, hynrei kala mih ka jingkylla haka saiñ pyrthei jong ka konsil hadien ba ki saw ngut ki MDC jong ka Bharatiya Janata Party (BJP) kila ai ka jingkyrshan ïaka kynhun United Democratic Alliance (UDA) kaba ïatreilang ka National People’s Party (NPP) bad ka United Democratic Party (UDP) kaba ialam u ma Thombor Shiwat kum u Chief Executive Member (CEM).

Da ka jing kyrshan jong ki saw ngut ki MDC BJP ba kynthup ïa u Lakhon Biam Chairman Barim ka JHADC, u Krison Langstang, Dawan Lyngdoh bad J.Treilang Suchiang ki MDC kiba la jop naka UDP ha kane ka samoi, hynrei namar ka jingthmu pynkylla ïaka EC u ma Thombor kila phet naka UDP bad shong haka liang pyrshah shipor ka pynkiew iaka jingbun ka UDA haduh 28 ngut.

Also Read: Ha ïing dorbar yn ïakren halor ka thungkam beaiñ ha JHADC: BJP

Also Read: Iabhah ki MDC ₹4 Klur ka Fund JHADC, katba ki nongtrei duh tulop 6 bnai: Andrew

Dangshen kine ki MDC BJP ki dei kiba kynthoh pyrshah bha ïaka EC kaba ïalam u ma Thombor Shiwat bad ïaka policy treikam jong u bad kynnoh ba u pyndonkam ban pynïaid bakla ïaka pisa SAG ban ai tulop ïaki nongtrei ka konsil da ka pisa SAG bad ki ujor sha u Lat kumjuh ruh kila mudui da ka ejahar ha Jowai Police Station halor kane.

Also Read: BJP MDCs demand CBI inquiry into diversion of over 16 Cr SAG fund in JHADC

Kila kynthoh jur ruh ïaka jingbym lah u CEM ka Konsil ban pynïoh tulop ïaki nongtrei ka konsil la 6 bnai bad kila dawa ba un hiar shuki, phewse mynta kin hap ban pyndem hakhmat u Ma Thombor ha kaba wat tang ban buh jingkylli bad ki mat iakren haka dorbar mang tyngka ka konsil ruh kim shym la buh satia ha kum kane ka por kaba ka konsil ka hiran haka ioh ka kot bad bun bah ki khajna kiba ka konsil ka dei ban ïoh ruh ki lait shabar ka pla pisa jong ka konsil. Ïa kane ka dorbar la buh tarik ban long haka 26 tarik une u bnai Lber.

Also Read: Kynnoh ka BJP ba pynïaidkam bakla ïaka pisa T.16 klur tam ha JHADC

Ka jingkynrshan jong kine ki saw ngut MDC BJP kala nang nang pynbun paidbah ïaka UDA kaba la kot haduh 28 ngut kynthup u MDC ba shu sieh. 17 ngut tang ki MDC NPP bad 7 ngut ki MDC UDP.

Also Read: Thalain ki MDC ïa u Thombor Shiwat ba u kren klumar ba wat ki MDC ruh kin iakhih lada ym ioh tulop ka JHADC

Katba ka Congress kala sah noh sa tang 2 ngut bad kine ki kynthup ïa u Holando Lamin bad u Awhai Andrew Shullai.

Also Read: Bijai ei ki mat ïakren ba thmu wanrah ki MDC BJP ïaka iap ka im ka JHADC