Kylla ka trok kit dewiong dheng kali ha Upper Shillong

Syllad | The Rising MeghalayaFebruary 19, 2020

SHILLONG: Ka jingkyntait jong U Chief Minister ka jylla ba kam don satia kano kano ka jingshalan tuh dewiong ha ka jylla kala paw da kumwei hadien ba kawei ka trok kit dewiong ka kylla ha Upper Shillong mynta ka sngi.

Ka tnad Traffic Police jong ka Shillong lyngba ka facebook kala pynpaw ba kane ka jingjia kala jia ha ka 10:15 mynstep, la iathuh kawei ka truck ka la kylla khongphong ha 4th 1/2 mile, Upper Shillong.

La iathuh ba na ka daw jong ka jingkylla katei ka trok kala wanrah ia ka jingdheng kali ba jur na MES sha Upper Shillong bad la kyntu ïa ki nongniah kali ban kiar naka overtake ban suk ka iaid ka ieng u paidbah.

Katei ka trok kaba kit dewiong ka dei kaba  wan na ki thain West Khasi Hills bad suba jur ba la dep thang ban pynkylla ïa une u dewiong sha u rnga dewiong (coke).