Kylla nongsamaria ka MPUF, pynshna ïing iaka longkmie ha East Jaintia Hills

Syllad | The Rising MeghalayaMarch 18, 2021

Ka Meghalaya People United Front (MPUF) naka tnad East Jaintia Hills kala kylla long kum u nongsamaria ba bha ha kaba kala leh isynei bad iarap ia kiba bun ki briew da ki mar bam, ki tin sopïing dewbilat bad mynta ka kynti pat kala shna syndon da ka iing ia kawei ka longkmie ha East Jaintia HIlls District.

Ka MPUF ha kaba por ka jingkhangdam ban iakhun pyrshah iaka khlam COVID-19 kala leh synei ha kiba bun ki jaka da kaba sam iaki marbam bad iarap ia kiba duk kiba kyrduh.

Kane ka iing kaba la shna ka MPUF kadei haka shnong Jalyiah jong ka Rit Dkhar, ka longkmie kaba im da kaba bylla sait kali. Kane ka longkmie ka don haduh 11 ngut kaba kynthup ia 4 ngut ki kynthei bad 7 ngut ki shynrang.

Shna ïing ka FKJGP ia kawei ka longiing ha Bataw, synniang u MLA bad MDC ka thain 60 hajar

Ia kane ka iing ka MPUF kala sdang ban shna naduh bnai Rymphang 2021 bad kala aiti noh ia kane ka iing sha ka kong Ar haka 18 tarik u Lber 2021. Ka iing kaba la shna da ka MPUF kadei kaba ar kamra.

Kum ka dak ban aiti ia kane ka iing sha ka kong Rit, ka MPUF kala aiti ia u shabi lyngba Dawanpoimi Laloo president MPUF central body haka jingiadonlang president MPUF East Jaintia Hills District u Kyrshan Blah kumjuh ki dkhot ka MPUF haka jingïalang kaba la long ha phyllaw jong ka ïing.

U Kyrshan ula ong ba ka jingpynshna ïing ïaka Kong Rit Dkhar ka dei shibynta ban iarap iaki para briew kiba donkam jingiarap.

Ka samla Deiwa Dkhar khun jong ka Kong Rit Dkhar haka jingkren ka la pynpaw iaka jingkmen bad ka jingsngewnguh iaka MPUF ka la wad ki lad ki lynti ban ïarap pynshna da ka ïing kaba paka ïaki ba kin ioh ban rieh ia u slap u phria.