Kylla rong ka Myntdu na ka jingtrei surok Dawki Amlarem Jowai Road, ujor ka synjuk iada wah

Syllad | The Rising MeghalayaMay 25, 2021

Ki dkhot ka seng Khooid Ya ka Wah Myntdu haka sngi ba Ar hapoh ka jingialam u President Khroo Lamsalanki Pariat da ka jingsngewkhia ia ka jingkyllarong ka wah Myntdu tang mar iahap u slap kila pynlong iaka jingbuddien bad lap ba kane ka jingkylla rong kadei na ka jingshna pynheh iaka surok Dawki Amlarem Jowai Road na Treiongriang haduh Lad Demthring.

Ka Khooid Ya ka Wah Myntdu kala ong baroh ka khyndew kaba mih na ka jingpynheh iaka surok la shuh theh ha shilynter ka surok bah bad kane ka khyndew haryngkat ka umsaw kala tuid sha wah Myntdu.

Ka jingtheh pathar ia ka khyndew ka buh ia ka wah Myntdu ha ka jingma na ka daw jong ka jingkyllarong man ba wan u slap ong ka seng Khooid Ya ka Wah Myntdu

U Khroo Lamsalanki Pariat ula ong kane ka jingbret pathar ïa ka khyndew katba shaba lap ba shem ka la pyndiaw iaka seng kaba ka thong jong ka kalong ban ïada ia ka wah Myntdu.

Ka ophis u Executive Engineer PWD (NH) Jowai Central Division,Jowai kaba pyntrei ïa kane ka surok kam shym la bud ryntih ia ki jingbthah ne ki kyndon ba la buh ne mana halor ban iada iaka wah bad kala leh bymsuidniew iaka wah Myntdu kaba bsa um iak,a Jowai.

U Khroo Lamsalanki Pariat, u la iathuh ba ha ka jingiadei bad kane kila dep buh ruh da ka jingthoh sha u Deputy Commissioner, West Jaintia Hills District bad ka da kyrpad ruh ba un shimkhia ban leh ei ei ha kum kane ka por na ka bynta ban iada ia ka wah Myntdu khnang ba kan lait na ka kane ka jingma kaba la pynap lypa na ka jingjynjar kaba pynïap ïa ka wah Myntdu.

Ka Khooid Ya ka Wah Myntdu kala ong ba lada ka tnad PWD kam shimkhia ban pynsangeh iaka jingbret khyndew pathar kan shim da kiwei ki lad ki lynti.