Kyllon ïap 4 tylli ki masi, lait thaw ki briew naka jingtied pyrthat ha EJH

Syllad | The Rising MeghalayaMay 20, 2021

Saw tylli ki masi ki la kyllon ïap hashen naka jingshah tied pyrthat haka shnong Lumshken, East Jaintia Hills District

Kane ka jingjia shah tied pyrthat kala jia haka por kumba 3.00 baje tam eiei haka sngi Palei.

Haba ïakren bad u Secretary shnong jong ka Lumshken u Yoowest Khaïi ula ïathuh ba ha kane ka jingtied pyrthat la don lai kynrad ki masi ba la sharai da ki 7 ngut ki nongsharai masi, hynrei kine ki nongsharai masi ki la lait thaw bad kam shym la jia kano ka jingmynsaw mynsnam ia ki.

Kine ki saw tylli ki masi la dei trai da ka Kong Nil Bareh kaba la duh lai ki masi bad Kong Rida Dkhar kala duh kawei ka masi.