Kyllon iap 5 ngut haka jingshah siat pathar haki forest guard ka Assam ha Mukroh
San ngut ki briew kila kyllon iap ba bun ngut kiwei pat kila mynsaw jur haka jingkynnoh siat pathar iaki riew paidbah da ki forest guard jong ka Assam ha Mukhroh hynne ka step sngi ba Ar.
Kane ka jingjia la iathuh ba kala jia haka por 7:30 mynstep ha surok ban poi sha ka shnong Mukroh, ka shnong kaba don ha khappud Assam Meghalaya ha West Jaintia Hills District.
La kynnoh ba kane ka jingpyndik ki briew sorkar na ka tnad kam khlaw ka Assam kala sdang naduh ka por 1- 2baje mynstep.
Ki forest guard kila pynsangeh iaki kali kit dieng jong ki trai shnong na Mukroh, hynrei kim shym la sangeh bad ki la synreit kuli iaki naphang sha ki shaka jong ka trok.
Kane kala pynbitar iaki trai trok jong kane ka shnong bad kila pyntip sha ki paidbah nongshong shnong kiba la wan uwei hadien uwei bad kerkut iaki forest guard ka Assam
Ka Khubor ka iathuh ba kine ki briew sorkar na Assam hadien ba kim lah leh eiei kila siat pathar sha suin bad phet krad artad bad u paidbah ruh ula pra.
Ha kane ka jingshah siat san ngut ki briew kila khlad bad bun ngut kila mynsaw.
Facebook
Instagram
Youtube
Twitter
Leave a Reply