Kyndit bynriew ka PWD hadien ba iap briew sieh iaki Road Signage haka surok Chyrmang Iongnoh

Syllad | The Rising MeghalayaDecember 9, 2022

Hadien ba u syllad ula ther iaka jingphiel ka sorkar bad PWD na ka jingiap u Dr Sanjoy K Shylla naka jinghap kali shariat haka surok kaba dkut arliang kaba pyniasoh iaka shong Chyrmang bad Iongnoh ha West Jaintia Hills District, haka sngi Thohdieng kala pynlong iaka tnad PWD ban leit khang syndon bad buh iaki Road Signage ban khang iaka surok.

Ka PWD kala buh iaka road sign (Road Closed) nalor ba kah maw iaka surok bad ki dieng.

Ka jingkylli ka long balei ba ka sorkar bad ka tnad PWD ka kyndit tang hadien ba iap briew bad buh iaki dak ki shin ban kdew iaka jinglong jingman ka surok (Road Signage)?

Ka jingjia hap kali kaba la jia haka sngi Balang kala wanrah iaka jingkhlad u Dr. Sanjoy K Shylla ka long ka jingjia kaba sngewsih bad ka jingduh kaba khraw khamtam ia I lok bad ki khun 3 ngut kiba dangrit kiba ula ieh shadien haka por ba ki dang donkam bha ia u kpa ban sumar ka sukher bad pynheh pynsan.

Also Read | Ban kynnoh tang iaka PWD ne Sorkar haba aksident kam dei: Prestone

Kane ka surok ka dei kaba la twa naduh bnai Jylliew jong une u snem 2022 haka jingshah pynjulor haka bor mariang kaba la shah rong ruh kawei ka kali, pynban ki dak ki shin ki kdew ba ka dang shimpor ia ka PWD ban shna biang ia kane ka surok.

Also Read | Na ka jingtorti ka PWD iap hap kali u Dr Shylla

U Deputy Chief Minister ka Jylla u Prestone Tynsong haba kren bad ki nongthoh khubor haka sngi Palei hadien ka jingialang buh mawnongrim ha Mihmyntdu, ula ong ba ula ioh jingtip ia kane ka jingjia hap kali bad iap u doktor, hynrei ban kynnoh iaka sorkar bad ka PWD kam dei.

Ula ong ruh ba ka aksident ka jia haba sniew ne bha ka surok bad ngi sngewkhia halor kane ka jingjia bad phah iaka khubor sngewlem sha kiba iing hasem I doktor.

Also Read | Thung baji ka kali ha surok ha Iongnoh, khlad u Dr Shylla lait im i khun