Kynjoh ka jingiap aksident kali 6 ngut shitom jur 2 ngut naki 27 ngut ha Tuber Shoshshrieh

Syllad | The Rising MeghalayaJune 27, 2021

Ka jingiap ki briew kiba la iakynduh iaka aksident kali ha surok bah NH 6 ha Tuber Shohshrieh, East Jaintia Hills kala kynjoh sha ka 6 ngut bad 2 ngut kiba shitom jur ki don mynta ha NEIGRIHMS, Shillong.

Hynnin ka miet ka Sngi Saitjain haka jingshah tynrah ka kali Mahindra pick up haka trok kaba don u number AS01LC 6357, 5 ngut kila khlad hashen bad uwei ula khlad haka jaka sumar.

Ar ngut na kiba shitom jur la kit hynnin hi ka miet na Jowai Civil Hospital, Ialong sha NEIGRIHMS, katba kiwei kiwei kiba ba mynsaw haduh 9 ngut ki don ha Woodland WK Hospital, Sabahmuswang bad Ialong.

Syllad ka trok iaka kali pick up ha Tuber Shohshrieh iap 5 ngut, mynsaw 9 ngut

Ka khubor ka iathuh shuh shuh ba ki don haduh 27 ngut ha katei ka kali pick up kynthup ia ki 2 ngut ki longkmie. Kine ki longkmie haka por ba shah tynrah ki don hajrong ka kali pick up bad kila shitom.

Kine ki lanot aksident kali ki dei naka shnong Mynso bad Kyndong Tuber bad kila wan naka shnong Semasi ban thung kba. Hynrei haba la poi ha Tuber Shohshrieh kane ka kali pick kala duh umpniang bad kila ia ngiat iaka kali bad kynsan kynsan la wan kane ka trok bad tynrah naka bynta ba shadien ka kali kaba la wanrah ia kane ka jingjia kaba sngewsih.

Kane kali pick up kala sied shabar jong ka surok bah.