Kynmaw burom ia ki pulit kiba la aiti la ka jingim

Syllad | The Rising MeghalayaOctober 21, 2023

Ka Tnat Pulit ka jylla ka la rakhe kynmaw burom ia ki dkhot jong ka tnat kiba la aiti la ka jingim ha ka sngi ba kyrpang jong ki pulit ha ka jingialang kaba la long ha ka 20 tarik mynta u bnai ha West Khasi Hills.

Ia kane prokram kynmaw burom ne  ‘Police Commemoration Day’ la khot pynlong ryngkat lang da ka ophis jong u  Superintendent of Police, West Khasi Hills District, Nongstoin bad ka ophis u Commandant, BN MLP, West Khasi Hills District, Sohpian ha ka jingiadon ryngkat lang u Bikram D. Marak, MPS ha ryngkat ka jingsynran lang u Isaac. S. Marak bad u SI Samuel D. Sangma, I/C Athiabari OP shibynta ban kynmaw bad leh burom ia kito ki riewshlur kiba dei na ka thain West Khasi Hills, kata kaba kynthup ia u  (L) Namseng R. Marak uba la shah pyniap ha ka 30.10.2011 ha Dobu, East Khasi Hills bad u (L) Rahul Marak uba la shah pyniap ha Tebonggre, West Garo Hills katba ki dang don hapdeng ka kam. Ha kane ka sngi la pynlong ruh ka jingleit buh syntiew ha ki jingtep ki jong ki hapoh Aradonga bad Salpara, kiba hap hapoh Athiabari OP.

Kum shibynta ban kynmaw burom ia ki 127 ngut ki bor pulit ka jylla kiba la aiti noh iala ka jong ka jingim khnang ba ka lama ka ri kan kaweh shaphrang da ka burom, na ka liang ki nongai jinghikai bad ki nongshah hikai na ka 8 Batch Basic Training ha ka APTC (Armed Police Training Centre) jong ka  4th BN MLP, Sohpian ki la wah bujli ha ka jaka jong ka lama ka ri kaba 3 mitar x 2 mitar bad kaba ka jingjrong kaba 10 mitar ia kaba la pynher shipor ha kaba nyngkong ha u bnai Nailar 2023 shibynta jong ka ‘Har Tiranga Campaign’ ha u nar (pole) u ban iai neh uba ha ka jingjrong kaba  40 phut  (12.2 m) uba kit ia ka lama thymmai kaba ha ka jingheh kaba  21 phut  la 14 phut (6.4 m x 4.3 m).

Ha ka jingpynher ia kane ka lama ka ri da u Superintendent of Police, u Bikram D. Marak, MPS la ia don ryngkat lang ki heh pulit bad ki staff jong ka 4th BN MLP Hqrs nalor u Sordar jong ka shnong bad ki nongialam shnong jong ka shnong.

Ia ka prokram kaba pura jong kane ka jingrakhe la pynlong hapoh ka opohis jong u Superintendent of Police, Nongstoin. Ha kane ka prokram la wan iashim bynta ruh da  u Deputy Commissioner, u Bah Garod L. S. N. Dykes, IAS, kiba haiing hasem jong kine ki pulit kiba la khlad noh, ki khynnah skul ka K.J.P Sepngi Higher Secondary School, Nongstoin bad Rev. J.J.M Nichols Roy Memorial Secondary School nalor ki bor pulit kiba la kynmaw burom na ka bynta kine ki pulit kiba la aiti iala ka jingim hapdeng ka kam ba la pynshet ha ki ha ka snem 2022-23.

Khnang ban wanrah ka jingiajan hapdeng ki bot pulit bad ki paidbah, la pynlong ruh ia ka jingleh burom hapoh ka jaka sahkynmaw ia kine ki riewshlur hapoh ka headquarter jong ka 4th BN MLP Sohpian ha ka jingiadon lang u Sordar, ki dkhot ka Dorbar Shnong, ki dkhot Seng Kynthei na ka shnong Sohpian, ki dkhot Seng Samla Sohpian nalor ki riew paidbah na kane ka shnong bad ki shnong ba marjan kiba la ioh ruh ban sakhi ia ka jingiaid parade shibynta jong kane ka jingleh burom.

Na ka liang ki khynnah skul jong kitei ki skul ki la iohlad ruh ban leit jngoh ia ka PS ha Nognstoin ha kaba la pynshlur ruh ia ki ban don ia ka mynsiem ieit ri kumba la aimynsiem bad pynshlur da kine ki dkhot kiba la aiti noh iala ka jingim.