Kynmaw burom iaki 127 ngut Pulit kiba la pha iaka jingim haka Meghalaya Day

Syllad | The Rising MeghalayaJanuary 21, 2022

Ka Meghalaya Police Service jong u snem 2004 kila pynmih da ka sur jingrwai ban kynmaw burom iaki para pulit kiba la pha iaka jingim haka por ba pyndep iaka kamram ba kynthup ia (L) Raymond Phillip Diengdoh, MPS Ashok Chakra (Posthumous) bad baroh ki pulit kiba len ialade iaka jingim ban iakhun iaki kam sniew.

Katkum u kyrwoh u Bah Lakador Syiem Lakador Syiem, MPS, Commandant, 6^th Battalion Meghalaya Police, Umran uba la pynbit pynbiang iaka kane ka sur jingrwai bad ka video ula ong ba naduh ba la ioh iaka Jylla ba pura ki don haduh 127 ngut ki pulit kiba la duh iaki mynsiem haka por iakhun iaki kaikhlaw ne lehnoh ha Jylla.

“Ngi siew kylliang iaki da ka burom bad ka jingsngewnguh kaba khraw ban khublei kyrpang ia ki ryngkat ka nguh ka dem na ka bynta ka jingaiti kaba khraw tam kaba ki la phah ia la ka jingim ban pynbiang bad ia da ia la ka Ri,” ong u kyrwoh na u Bah Lakador.

Ula ong shuh shuh ba ka jingkhublei ba kyrpang ka leit sha ka Kong Idashisha Nongrang, IPS, Special Director General of Police, kaba la ju kyrshan barabor met bad mynsiem na ka por sha ka por ia kane ka Community Policy Programme jong ngi kumjuh ruh ia ki Pulit jong ngi baroh.

Ia kane ka video kaba la pyllait paidbah ha YouTube la pyllait da ka Kong RM. Kurbah, IAS Deputy Commissioner, Ri Bhoi District haka sngi Thohdieng ha District Library Nongpoh haka jingrakhe iaka jingioh jylla ba pura ka Jylla Meghalaya.