Kynmaw burom ka BJP ia u architect District Council

Syllad | The Rising MeghalayaJune 12, 2020

Ki MDC Ka BJP kiba kynthup ia u ma Lakhon Biam ma Krison Langstang bad ma Dawan Lyngdoh mynta ka sngi 12.06.2020, kum ka dak jong ka jingkynmaw burom ia ka sngi kha jong ka jingdap 136 snem ka sngi kha u Rev. James Joy Mohan Nichols Roy u ba dei u Architect jong ka District Council Autonomy ne u nongsaiñ dur ia ki District Council bad u kpa jong ka Sixth Schedule ban iada iaka jaidbynriew rit paid, ki la leit buh syntiew ha u mot sah jingkynmaw jong u, uba don ha phyllaw ka ophis jong ka Jaiñtia Autonomous District Council (JHADC).

U Rev. James Joy Mahon Nichols Roy, u dei u khun ksiew jong u Tirot Sing jong ka Nongkhlaw Syiemship, ia u Rev. James Joy Mahon Nichols Roy la kha ha ka Shnong Mawsyiarwait, Shella ha ka 12th June, 1884 ha ka ïing kaba duk, hynrei da ka jingtrei shitom jong u, u la lah ban thaw ia kane ka stieh iada ia ka jait bynriew jong ngi.

“Kum kane ka sngi ym dei ban ai shuti, hynrei dei ban bud ia ka nuksa ba ki riew khraw jong ngi ki la leh da ka jingtrei shitom jong ki miet bad sngi ban pynkhraw ia ka jaitbynriew jong ngi, kumta nangne shakhmat ha ka jaka ban ai shuti dei ban trei pyntam shuh shuh iak por trei, kum ka dak ka jingburom kylliang ia ki longshwa manshwa kiba trei shitom namar kane ka sngi ka dei ka sngi jingkmen jong ngi kiba don hapoh ka Council namar dei lyngba une u riew khraw ngi la ioh ia ka Sixth Scheduled kaba ia da ia ngi kum ki rit paid,”ong u ma D. Lyngdoh.