Kynmaw burom ka Jaintia Eastern College ïaka sngi wan ïuhkjat u kpa ki dak thoh Khasi, Rev. Thomas Jones I

Syllad | The Rising MeghalayaJune 22, 2021

Ka Jaintia Eastern College, Khliehriat lyngba ka Khasi Department kala rakhe ïaka sngi wan ïuhkjat nyngkong eh u kpa ki dak thoh Khasi u Rev. Thomas Jones I ha Saitsohpen, Sohra haka 22 Jylliew 1841.

Mynta u snem kane ka jingwan ki dak thoh Khasi kala kynjoh sha ka 180 snem, hynrei namar bala wan lynsher ka khlam COVID-19 ka jingrakhe ia kane ka sngi kala long kaba pjah bad la pynlong iaki prokram kiba rit bad kumjuh lyngba ki webinar ne online ban ïatai ia synñiang u bynhei bala noh Rev. Thomas Jones I sha ka jaidbynriew Khasi.

Ha kane ka jingkynmaw burom ia kane ka sngi khraw ka jingwan ki dak thoh Khasi, ka Jaintia Eastern College, Khliehriat kala pynlong iaka jingai jinghikai kaba kyrpang ha kaba u Dr. Phervision Nongtdu, principal ka college ula pyniaid ia kane ka jingai jinghikai bad ka Kong Percia Phawa Asst. Professor Khasi Department kala iathuh iaka jingiaid lynti jong u Rev Thomas Jones-I. Ka phang kalong U Rev Thomas. Jones- I: Ki Matti jong u ha ka Jaitbynriew Khasi.