Kynmaw burom ka KKC Seinraij Jowai ia U Kiang Nangbah haka Independence Day
Ka Khynroo Khylood Committee jong ka Seinraij Jowai haka 15 tarik Nailar kala rakhe iaka sngi laitluid ka Ri India da ka jingkynmaw burom ia u Khlawait ka Ri u Woh Kiang Nangbah.
Ia kane ka jingkynmaw burom la pynlong ha Loom Mooliksoo ha u dur mot sahnam jong u Woh Kiang Nangbah haka jingialang kaba la pyniaid daka Chairperson ka Committee, ka Kong Wandalan Dkhar bad la nguh la dem da Ma Kamnipaia Challam kumjuh ka jingkren lyngkot na u President ka Seiñraij, u Ma H Toi.
U President ula iathuh iaka khana lyngkot shaphang u Woh Kiang Nangbah bad kren aimynsiem ruh iaki samla ban bud iaka nuksa ba bha jong u Woh Kiang Nangbah.
Ha kajuh ka por ula pynkynmaw ruh ban ieid iaka Ri bad ka jaitbynriew ban neh ban sah ka dustur riti.
Hadien ka jingialang u Kñi jong ka Seiñraij Jowai u Ma Myown Chyrmang ula buh ia u syntiew.
Hadien ka jingialang ha Loom Moliksoo la hiar pat sha trai kjat u Loom Molikso haka jaka ba don u dur mot jong u Woh Kiang Nangbah hangne ruh la ioh ka jingkren lyngkot da u Dolloi ka Elaka Jowai Ma Puramon Kynjing.
Hadien pat ia u syntiew la buh da u General Secretary ka Seiñraij Jowai, Ma Arwotki Sumer kum ka dak ka jingkynmaw burom ia u Khlawait ban rhem ban iar ka jingieid ri kumba iar bad phuh u syntiew.
La ioh ki kyntien khublei na u Ma Sajon Ksiar Langdoh, Secretary KKC Seiñraij Jowai.
Facebook
Instagram
Youtube
Twitter
Leave a Reply